Քրդական կուսակցությունը պատրաստ է բանակցել Էրդողանի հետ

Քրդական Բանվորական կուսակցության PKK հայտնի ղեկավարներից Մուրաթ Քարայլանը կոչով դիմել է Թուրքիայի նախագահ Ռեջեփ Էրդողանին։ Տեղեկացնում է sondakika.com կայքը։

PKK-ի առաջնորդներից Մուրաթ Քարայլանը, սեփական համացանցային կայքերից մեկի միջոցով, կոչով դիմել է Էդողանին։ Նա հայտարարել է, որ իրենք պատրաստ են խաղաղության համար բանակցել իշխանությունների հետ։

«Նովրուզը խաղաղության և բարեկամության տոն է։ Մենք պատրաստ ենք հենց այս տոնական օրերին խաղաղության համար պայքարել։ Մենք պատրաստ ենք իշխանությունների հետ խաղաղության ճանապարհ որոնել։ Կոչ եմ անում նախագահ Էրդողանին, որ մենք պատրաստ ենք Դոլմաբահչե պալատում վերսկսել խաղաղության ճանապարհների որոնումը»,- հայտարարել է Քարայլանը։

Նա պատասխանելով իրեն ուղղված հարցին, թե շատերը կարծում են PKK-ն սկսել է քաղաքային պատերազմը, նա հայտարարել է, որ իրենք առայժմ քաղաքային պատերզմ չեն սկսել և այդ պայթյուններն իրականացնողներն այլ ուժեր են։