Անցած 1 օրում գրանցված 13 ավտովթարի հետևանքով 19 մարդ ստացել է տարբեր աստիճանի մարմնական վնասվածքներ

ՀՀ ՆԳՆ ոստիկանությունը ներկայացրել է օպերատիվ իրավիճակը հանրապետությունում՝ մայիսի 6-ից 7-ը։

Բացահայտվել է 158 հանցագործություն, որոնցից 2-ը՝ նախկինում կատարված:

Մասնավորապես՝

57 դեպք՝ վարժական հավաքից խուսափելու,

24 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

13 դեպք՝ թմրանյութի հայտնաբերման,

8-ական դեպք՝ մարմնական վնասվածք պատճառելու և ֆիզիկական ներգործության,

6-ական դեպք՝անձնական ունեցվածքի գողության և խարդախության,

5-ական դեպք՝ գույքը ոչնչացնելու կամ վնասելու և փաստաթղթի կեղծիքի,

4 դեպք՝ թմրանյութի իրացման,

2-ական դեպք՝ խուլիգանության, պաշտոնեական կեղծիքի կամ անփութության, անհետաձգելի միջամտության կամ պաշտպանական որոշումը չկատարելու և սառը զենքի հայտնաբերման:

Բացահայտվել են նաև հոգեկան ներգործության, վստահված գույքի հափշտակման, շորթման, ապօրինի ձեռնարկատիրական գործունեության, զենք-զինամթերքի առգրավման, պետական սահմանն ապօրինի հատելու, ինքնիրավչության և այլ դեպքեր:

Նախկինում կատարված հանցագործություններից բացահայտվել է՝

անձնական ունեցվածքի գողության և գույքը ոչնչացնելու կամ վնասելու 1-ական դեպք:

Հայտնաբերվել է 11 հետախուզվող, կամավոր ներկայացել՝ 3-ը:

Անցած 1 օրում գրանցված 13 ավտովթարի հետևանքով` 19 մարդ ստացել է տարբեր աստիճանի մարմնական վնասվածքներ։