Կլոր, թե եռանկյունի կլինի սեղանը` կապ չունի, կարևորը բովանդակությունն է. Արմեն Բադալյան

«ՀԱԿ իշխանությունների հետ բանակցելիս կարող է որոշակի հաջողության հասնել միայն այն պարագայում, եթե Արևմուտքը և ՌԴ-ն իշխանությունների վրա ճնշում գործադրեն»,- newspress.am-ի հետ զրույցում ասաց քաղտեխնոլոգ Արմեն Բադալյանը:

Ըստ նրա՝ ՀԱԿ-ը ԸՕ-ի շուրջ բանակցելիս պետք է կարողանա իրեն դրսևորել որպես հիմնական ընդդիմություն, որպեսզի ստանա աշխարհաքաղաքական իմաստով աջակցություն: Քաղտեխնոլոգի դիտարկմամբ՝ բանկացությունների մասով ֆորմատը նշանակություն չունի, կլինի 4+4+4, թե այլ, կարևորը բովանդակությունն է. «սեղանը կլինի քառակուսի, եռանկյունի, թե կլոր, բարձր, թե ցածր` կարևորը առանցքային հարցերում իշխանություններին ստիպելն է զիջումների գնալ»,- մանրամասնեց նա:

Արմեն Բադալյանը հիշեցրեց` կարևորը այն է, որ իշխանությունները զիջեն ստորագրված ընտրացուցակների հրպարկաման մասով, քանի որ ընտրությունները նկարելու հնարավորությունը կնվազի:

Բացի այդ պետք է շեշտը դնել նրա վրա, որ իշխանությունները, ըստ էության, չեն հրաժարվել մեծամասնական ընտրակարգից, համամասնականի ռեյտինգայինը գրեթե նույն մեծամասնականն է . «Ի դեպ սա պետք է հենց Սերժ Սարգսյանին, խորհրդարանում իր մեծամասնական պատագամավորները ունենալու համար, սրանից է կախված նաև ընտրությունների ընթացքը»,-եզրափակեց նա: