Հանդիսատեսին, մեծ թե փոքր, պետք չէ ստել, բայց պետք էլ չէ թևաթափ անել. Ռուբեն Բաբայան

Մարտի 21-ն ամբողջ աշխարհում նշվում է որպես Տիկնիկային թատրոնի օր:

«Անդրադարձ» մամուլի ակումբում լրագրողների հետ զրույցում Երեւանի Հովհ. Թումանյանի անվան պետական տիկնիկային թատրոնի տնօրեն, արվեստի վաստակավոր գործիչ Ռուբեն Բաբայանը նշեց, որ արվեստներից ամենահինը լինելով հանդերձ՝ թատրոնը նաև ամենաժամանակակիցն է, «որովհետև յուրաքանչյուր ներկայացում ստեղծվում է հենց այս պահին և ավարտվելուց անմիջապես հետո էլ մահանում է, երկրորդ օրն արդեն ուրիշ ներկայացում է: Որքանով այդ ներկայացումը կարձագանքի այսօրվա գաղափարական, սոցիալական և գեղագիտական պահանջներին, այնքանով էլ նա կկայանա»:

Նրա կարծիքով հաջողության կարևորագույն նախապայմաններից մեկն այն է, որ կարողանաս ձեռքդ միշտ ժամանակի զարկերակին պահել, կարողանաս քեզ համեմատել ոչ թե անցյալի, այլ ներկայի հետ, տեսնես՝  ինչ է կատարվում աշխարհում:

Ռուբեն Բաբայանը նշեց, որ ոչ մի դեպքում հանդիսատեսին, մեծ թե փոքր, պետք չէ ստել, պետք էլ չէ ամեն ինչ միայն բացասկան ֆոնի վրա ներկացնել, թևաթափ անել:

Ռուբեն Բաբայանը կաևորեց երիտասարդ կադրերի դերը տինիկային թատրոնում: Ինչ վերաբերում է ներկայցումներին, ապա ըստ նրա՝ շատ դասական ներկայացումներ այսօր էլ արդիական են, կան նորարական ներկայացումներ, որոնք ավելի քիչ կյանք են ունենում:

Արվեստի վաստակավոր գործիչ Ռուբեն Բաբայանը կարևորեց այն, որ տիկնիկային թատրոն հաճախելու հնրավորություն ունենան բոլոր մարզերի երխաները ոչ միայն մայրաքաղաքի, այդ նպատակով նախորդ տարի թատրոնն արտգնա ներկայացումներ է ունեցել սհամանամերձ համայնքներում:

Ասուլիսի մյուս բանախոս՝ դերասանուհի, մնջախաղաց Իննա Հախնազարյանն էլ նշեց, որ փոքրիները ներկայցումների ժամանակ շատ ակտիվ են, տիկնիկների խաղն ավելի հեքիաթային է, հնարավորություն կա արագ կերպարնափոխվելու. հագուստը փոխելը ամենագրավիչը գունային տարրն է: