Շաքարավազը թանկացել է

Շաքարավազի հանրապետական միջին գինը 2016թ. փետրվարին 2015թ. փետրվարի համեմատ նվազել է 10.0%-ով, իսկ 2016թ. հունվարի համեմատ գրանցվել է 1.2% գնաճ:

Այս մասին տեղեկացնում են Ազգային վիճակագրկան ծառայությունից:

Հանրապետության դիտարկված 9 քաղաքներում 2016թ. փետրվարին հունվարի համեմատ արձանագրվել է շաքարավազի 0.4-1.8% գնաճ, մեկում` 0.6% գնանկում, իսկ մեկում էլ պահպանվել է գների նախորդ ամսվա մակարդակը:

Մայրաքաղաքում շաքարավազի գինն աճել է 1.3%-ով: 2016թ. փետրվարին հունվարի համեմատ հանրապետությունում արձանագրվել է ոչ ոգելից խմիչքի` 0.1%, ձվի՝ 0.3%, սուրճի, թեյի, կակաոյի 0.6% գնաճ, իսկ ոգելից խմիչքի և ծխախոտի ապրանքախմբում գների մակարդակը նախորդ ամսվա համեմատ մնացել է անփոփոխ: