110 տարի է անցել ինքնության, կրոնական և մշակութային ցեղասպանությունից. թուրքական կուսակցություն
Թուրքիայի քրդամետ «Ժողովուրդների հավասարություն և ժողովրդավարություն» կուսակցության (DEM) կենտրոնական գործադիր կոմիտեն գրավոր հայտարարություն է հրապարակել Հայոց ցեղասպանության 110-րդ տարելիցի կապակցությամբ՝ ուշադրություն հրավիրելով այն փաստի վրա, որ 1915 թվականի ապրիլի 24-ին երկու հարյուրից ավելի հայ մտավորականների իրենց տներից վտարմամբ և մահվան երթի ուղարկելով սկսված գործընթացը շարունակվել է հարյուր հազարավոր հայերի աքսորով և սպանությամբ։
«110 տարի է անցել 1915 թվականի ապրիլի 24-ին սկսված ինքնության, կրոնական և մշակութային ցեղասպանությունից, երբ երկու հարյուրից ավելի հայ մտավորականներ տարվեցին իրենց տներից և ուղարկվեցին մահվան։ Այս գործընթացը շարունակվեց հարյուր հազարավոր հայերի տեղահանությամբ և կոտորածով։ Այս հողերի մյուս քրիստոնյա ժողովուրդները նույնպես ծանր մարդկային գին վճարեցին և կոտորվեցին այս քաղաքականության ու գործելակերպի հետևանքով»,- ասվում է հայտարարության մեջ։ Նշվում է, որ պատմական ճշմարտությունների հետ առերեսվելը, զոհ դարձած ժողովուրդներից ներողություն խնդրելը և վերականգնողական արդարադատության դիմելն անփոխարինելի քայլեր են միմյանց և անցյալը հասկանալու, անկեղծ մոտեցմամբ պատմական վերքերը բուժելու և ընդհանուր ապագա կառուցելու համար։
Կուսակցությունը շեշտել է հայ ժողովրդի հետ խաղաղության և հավասարության մեջ ապրելու կարևորությունը, ինչպես նաև նշել է, որ Հայաստանի հետ դիվանագիտական, առևտրային և մշակութային հարաբերությունների զարգացումը կլինի քայլ երկու ժողովուրդների բարօրության և Կովկասյան տարածաշրջանում երկարատև խաղաղության հաստատման ուղղությամբ։ «Այս զգացմունքներով ու մտքերով, որպես Անատոլիայի և Միջագետքի հին ժողովուրդներ, մենք կրկին կիսում ենք 110-ամյա ցավն ու սուգը, մեր սրտերի խորքում զգում ենք այն մեծ մարդկային ողբերգությունը, որը վերապրվել է, և կրկին տխրությամբ ու հարգանքով հիշում ենք այդ գործընթացում իրենց կյանքը կորցրածներին»,- ասվում է քրդամետ կուսակցության հայտարարության մեջ:
Քոչարյանի մամուլը քրեական գործ է կարում Նարեկ Կարապետյանի վրա
Աննա Գրիգորյանը խոստովանեց, որ Նիկոլ Փաշինյանի զիջումների տակ Ռոբերտ Քոչարյանի հանցավոր ստորագրությո...
ԱԺ ծեծ ու ջարդից հետո ջարդված ոսկորները վերականգնեք, ծեծուջարդի երկրորդ ռաունդն է, միջանցքը ծախել ե...
Նոր անձնագիր՝ նոր գլխացավանք՝ վճարե՞լ, թե՞ հրաժարվել ազատ տեղաշարժից. Փաշինյանի թանկարժեք «արդիականա...
Նիկոլ Փաշինյանի ընտանիքի շրջապատի աշխատավարձերը․ պետական բյուջե՞, թե՞ «Իմ քայլը» հիմնադրամ
Հայաստանի ամենաթանկ ընտանիքը եւ իր էլիտար հաճույքները. «Հրապարակ»
Բանջար հավաքելիս 6-ամյա թոռնիկն ու տատիկը հոսանքահարվել են
Ծառուկյանի բիզնեսները՝ պետությանը․ Հայաստանում խոշոր կապիտալն այլևս պաշտպանված չէ
Օրենքով գող Մարսոյի որդուն են բռնել․ «Հրապարակ»
Զախարովան արձագանքել է «իվանների» մասին Առուշանյանի հայտարարությանը. «Նա առաջին հերթին նվաստացրել է ...
