Փաշինյանը նորից Սյունիք է գնում. կրթելու են «տգետներին». «Հրապարակ»
«Հրապարակ» թերթը գրում է.
«Վերջին մեկ ամսվա ընթացքում պետության ղեկավարի պաշտոնը զբաղեցնող Նիկոլ Փաշինյանը երկրորդ անգամ է պատրաստվում Սյունիք այցելել, առաջինն ապրիլի 12-ին էր` այդ այցի գլխավոր «մեղավորը» տիկինն էր՝ իր «կրթարշավով», որի հերթական կանգառը Մեղրին էր: Փաշինյանն էլ, որ պարտաճանաչ մասնակցում է կնոջ կազմակերպած հանդիպումներին, իր գրաֆիկը հարմարեցրել էր տիկնոջ օրակարգին եւ մեկնել Սյունիք:
Այդ այցի ժամանակ` ձեռքի հետ էլ մասնակցեց Կապանի պարեկային նոր վարչության բացման միջոցառմանը, այցելեց մի քանի գյուղ եւ իր հայտնի` ատամ լվանալու ելույթն ունեցավ: Հիմա կրկին որոշել է այցելել Սյունիք․ մայիսի 10-ին՝ Կապան, 11-ին` Քաջարան, քանի որ Աննա Հակոբյանն այդ օրերին որոշել է կրթել նշված համայնքների «տգետներին», եւ այդ հանդիպումներին, որպես բանախոս, մասնակցելու է նաեւ Փաշինյանը։
Նախորդ այցի ընթացքում Փաշինյանն այդպես էլ չայցելեց սահմանամերձ Խնածախ եւ Խոզնավար, որտեղ վերջին շաբաթներին ամենօրյա ռեժիմով կրակում են: Հայտնի չէ՝ այս անգամ այցելելու է, թե ոչ։ Փաշինյանից հետո ՔՊ-ականները փորձել են սրբագրել «շեֆի» բացթողումը` պատգամավորներ Դավիթ Դանիելյանն ու Արսեն Թորոսյանն այցելել էին այդ համայնքներ: Իսկ նրանց այցից մեկ օր անց մարզպետ Ռոբերտ Ղուկասյանն ու ՔՊ-ական մեկ այլ պատգամավոր` Արմեն Խաչատրյանն էին այցելել։
Պարզ է, որ ՔՊ-ում աջ ձեռքը չգիտի, թե ձախն ինչ է անում, չկա թիմային միասնություն եւ գործողությունների համաձայնեցված ծրագիր, հակառակը՝ ընտրություններին ընդառաջ թեժ մրցակցություն է սկսվել, բոլորն ակտիվացել են, փորձում են իրենց գոյության մասին հիշեցնել, որ դուրս չմնան հաջորդ ցուցակից»:
Առավել մանրամասն թերթի այսօրվա համարում
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
Մեղրիի մոտ գիշերվանից ԱԹՍ-ներով փնտրում են երեք ենթադրյալ шդրբեջшնցիների
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
