Եթե որևէ ընդդիմադիր պատգամավոր համարում է իմպիչմենտի գործընթացը անլուրջ, ապա կխնդրեմ այդ նույն պատգամավորը հանրությանը ներկայացնի վերջին 4 տարում ԱԺ-ում իր կողմից իրականացված որևէ լուրջ գործընթաց. Մալյան

«Արթուն ենք» շարժման համակարգող Նարեկ Մալյանը ֆեյսբուքյան իր էջում գրառմամբ պատասխանել է ԱԺ «Հայաստան» խմբակցության պատգամավոր, ընդդիմադիր փողոցային շարժումները համակարգած Իշխան Սաղաթելյանին: 

 

Մալյանը, մասնավորապես, գրել է.

 

«Ա) Հայաստանում այս պահին երկու մարդ է դեմ իմպիչմենտով իշխանափոխությանը.

 

1. Նիկոլ Փաշինյանը (հասկանալի պատճառով)

 

2. Ռոբերտ Քոչարյանը (քաղաքական ռեսուրս, հանրային աջակցություն չունենալու պատճառով)

 

Բ) Իմպիչմենտի գործընթացը սկսվում է ընդամենը մեկ պատգամավորի նախաձեռնությամբ: Պատգամավորների ստորագրահավաքը իմպիչմենտի հաջորդ փուլն է:

 

Գ) Իմպիչմենտը կարգավորող Սահմանադրության 115 հոդվածում որևէ բառ չկա ժողովրդական ճնշման մասին: Սա ամբողջապես ԱԺ պատերի ներսում իրականացվող գործընթաց է:

 

Դ) Անցյալում գեներացված փողոցային պայքարներից մարդիկ արդարացիորեն հիասթափվել են երկու պատճառով՝

 

1. Իշխանափոխության կոնկրետ ծրագրի բացակայություն:

 

. Առաջնորդների անվճռականություն:

 

Ե) Եթե որևէ ընդդիմադիր պատգամավոր համարում է իմպիչմենտի գործընթացը անլուրջ, ապա կխնդրեմ այդ նույն պատգամավորը հանրությանը ներկայացնի վերջին 4 տարում ԱԺ-ում իր կողմից իրականացված իր կարծիքով որևէ լուրջ գործընթաց»:

 

Հիշեցնենք, որ այսօր լրագրողների հետ զրույցում Իշխան Սաղաթելյանը հայտնել էր, որ իմփիչմենթին ոչ միայն դեմ չեն, այլև հենց ինքն է 2022-ի օգոստոսին խոսել իմփիչմենթի մասին: Հարցին էլ, թե իր կարծիքով Նարեկ Մալյանը շոու է անում, Սաղաթելյանն ասել էր, որ Մալյանն անլրջացնում է գործընթացը: 

 

Տեսանյութը` այստեղ