Ինչու Արցախի իշխանությունները չեն մեկնել Սոֆիա և Բրատիսլավա. Սամվել Շահրամանյանը պատասխանում է մեղադրանքներին

Դուք հիմա, որ նայում եք Արցախի Հանրապետությունը լուծարվա՞ծ է: Այս մասին լրագրողների հարցին, թե կա՞ր այլընտրանք Արցախի հանրապետության լուծարման հրամանագիրը չստորագրելու և ո՞րը կլիներ դրա գինը, ասաց օկուպացված Արցախի Հանրապետության նախագահ Սամվել Շահրամանյանը: 

«Մենք սպառիչ պատասխան ենք տվել դրան, նաև Տեղեկատվական շտաբով` հաշվի առնելով շահարկումները, որոնք իրականացվում են թե’ ԱԳ նախարարի կողմից, թե’ ԱԺ-ում տարբեր պատգամավորների կողմից հիմնականում պրոիշխանական: Մենք դրան սպառիչ պատասխան տվել են, ով ում է Արցախի Հանրապետությունը, որևիցե իրավական խնդիր չունի:

Դիտարկմանը, թե իրեն մեղադրում են ոչ թե Սոֆիա, այլ Եվլախում պայմանավորվածություններ ձեռք բերելու մեջ, Շահրամանյանն ասաց. «Սոֆիայի հարցը շատ է շահարկվում, դա իրականության հետ ընդհանրապես  չի համապատասխանում: Բացի դրանից, ի՞նչ է նշանակում` չեք գնացել Սոֆիա, Ադրբեջանը ձեր վրա հարձակվել է: Ադրբեջանը նման իրավունք չուներ, որ մենք ինչ-որ հանդիպման չենք գնացել, այդ պատճառով մեզ վրա հարձակվեր»:,- ասաց Շահրամանյանը:

Ինչ վերաբերում է Սոֆիա չգնալու որոշմանը, ապա Շահրամանյանն ասաց, որ այդ ժամանակ նախագահը եղել է Արայիկ Հարությունյանը, իսկ Ազգային անվտանգության խորհրդի ժամանակ իրենք քննարկել ու տվել են դրական պատասխան:

«Բացի դրանից, Սոֆիայի առաջարկից 15 օր անց հետո եղել է առաջարկ Բրատիսլավայում հանդիպելու, որը մենք ընդունել ենք, և մեր պատվիրակությունը գնել է տոմսերն այնտեղ մեկնելու, բայց Ադրբեջանը մերժել է: Այդ շահարկումները կապված են փորձել սեփական քաղաքական դիվանագիտական ձախողումները բարդել ինչ-որ մեկի վրա»: