ԱԺ-ում քննարկել են ՀՀ-ԵՄ համապարփակ եւ ընդլայնված գործընկերության համաձայնագրի շուրջ հարցերը
Ապրիլի 15-ին ԱԺ եվրոպական ինտեգրման հարցերի մշտական հանձնաժողովի նախագահի տեղակալ Մերի Գալստյանը խորհրդարանում հյուրընկալել է վարչապետի աշխատակազմի եւ փոխվարչապետի գրասենյակի ներկայացուցիչներին: Քննարկման առանցքում եղել են Հայաստան-Եվրոպական միություն համապարփակ եւ ընդլայնված գործընկերության համաձայնագրի (ՀԸԳՀ) կիրարկման միասնական մշտադիտարկման եւ ռազմավարական հաղորդակցության հարցերը:
Մերի Գալստյանը նշել է, որ Հայաստան-Եվրոպական միություն համապարփակ եւ ընդլայնված գործընկերության համաձայնագրի, ինչպես նաեւ առհասարակ ԵՄ-Հայաստան գործընկերության շրջանակում մեր երկրում իրականացվում են մի շարք առանցքային բարեփոխումներ ու ծրագրեր, որոնց ուղղությամբ հանրային հաղորդակցության, իրազեկման եւ վերահսկողության մեխանիզմների ներդրման անհրաժեշտություն կա: Պատգամավորը նկատել է, որ այս ուղղությամբ մեծ աշխատանք է պետք իրականացնել` հիմքում դնելով հանրությանը ճիշտ իրազեկելու մեխանիզմը` որպես այդ բարեփոխումների թիվ մեկ շահառու:
Զրուցակիցները փաստել են, որ պետական կառավարման համակարգի բոլոր մակարդակներում պետք է ներդրվի հանրային հաղորդակցության իրականացման ռազմավարություն: Այս ուղղությամբ Վարչապետի աշխատակազմի ռազմավարական հաղորդակցության եւ մասնակցային կառավարման բարեփոխման ծրագրի ղեկավար Անժելա Կժդրյանը ներկայացրել է ՀԸԳՀ հաղորդակցության հաբի (CEPA Hub) ձեւավորման եւ ընթացիկ աշխատանքները` առանձնացնելով համաձայնագրի յուրաքանչյուր ոլորտի մասին թիրախային տեղեկատվական ուղերձներ մշակելու ու հանրայնացնելու, համաձայնագրի կիրարկման հաղորդակցության ռազմավարության մշակման ընթացքը, որն ակնկալվում է ավարտին հասցնել այս տարի: Համաձայնագրի կիրարկման միասնական մշտադիտարկման մասին փոխվարչապետ Մհեր Գրիգորյանի գրասենյակի համագործակցության եւ բարեփոխումների վարչության գլխավոր մասնագետ Աստղիկ Հայրապետյանը կարեւորել է գրասենյակի համակարգմամբ հատկապես մշտադիտարկման թվային հարթակի ձեւավորման կարեւորությունը, որը դեռեւս նախնական փուլում է. առաջիկայում նախատեսվում է թվային հարթակի տեխնիկական նախագծի մշակում եւ քննարկում շահագրգիռ գերատեսչությունների հետ, ներառյալ Ազգային ժողովը: Մշտադիտարկման թվային հարթակը հնարավորություն է տալու յուրաքանչյուր քաղաքացու իրական ժամանակում պարզ ու համալիր տեղեկատվություն ստանալ ըստ ոլորտների համաձայնագրի կիրարկման ընթացքի վերաբերյալ` որակական ու թվային ցուցանիշներով:
Ընդգծվել է ինստիտուցիոնալ կարողությունների զարգացման ու հավելյալ փորձագիտական աջակցության կարեւորությունը, ինչպես նաեւ համաձայնագրի կիրարկման գործընթացում ԱԺ-Կառավարություն արդյունավետ փոխգործակցության դերը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
