Թուրքիան Հայաստանին սահմանակից տարածքում մեծացնում է անվտանգության ուժերի քանակը

Թուրքիան երկրի հարավ-արևելքում մեծացնում է անվտանգության ուժերի թիվը։ Տեղեկացնում է haberturk գործակալությունը։

Թուրքիայի հարավ-արևելքում վերջին շրջանում սկսված բախումները կանխելու նպատակով որոշում է ընդունվել մեծացնել անվտանգության ուժերի քանակը։ Թուրքիայի օրենսդիր մարմինը որոշում է ընդունել նոր 280 զինվորական և ոստիկանական հենակետեր ստեղծել այս տարածքներում։ Դրանք տեղակայվելու են բնակավայրերի մոտ և հսկելու են բնակավայրերի անվտանգությունը։ Այդ նպատակով որոշում է ընդունվել ահաբեկչության դեմ հատուկ պայքարի համար ստեղծված զինվորականների թիվը 12․500-ից այս տարի հասցնել 13․500-ի, իսկ մինչև եկող տարվա վերջ 20000-ի։ Իսկ հատուկ ոստիկանության թիվը 7800-ից հասցնել 20000-ի։

Հատուկ ուժերը հսկելու են տարածքների անվտանգությունը և պայքարելու են ահաբեկչական գործողությունների դեմ։ Այդ նպատակով այժմ Թուրքիայում 5000 ուսանող դասընթացներ է անցնում ժամանակակից մեթոդներով անվտանգության ապահովման ուղղությամբ, որոնք պետք է աշխատանքի անցնեն անվտանգության ուժերում։