Իմ ընկերոջ համար 40 հազար դոլար կպցրեցի. Լևոն Զուրաբյան. (տեսանյութ)

ՀՀ Ընտրական օրենսգրքի քննարկման ժամանակ «Հայ ազգային կոնգրես» խմբակցության ղեկավար Լևոն Զուրաբյանը hայտարարեց, որ Սահմանադրական հանրաքվեն իշխանությունը կեղծել է, ժողովրդի կամարտահայտությունը շուռ տվել, ուստի որքան մեծ է Հայաստանում ընտրակեղծիքների չափը, այնքան իրավունք է տալիս ընդդիմությանը, քաղաքացիական հասարակությանը անվստահություն ունենալ իշխանության ներկայացրած նախագծերի վերաբերյալ:

Նա հիշեցրեց «4+4+4» (4 անձ իշխանությունից, 4՝ ընդդիմությունից, 4-ը՝ քաղաքացիական հասարակությունից) ձևաչափով բանակցություններ կազմակերպելու իր առաջարկի մասին: Դավիթ Հարությունյանն ասաց, որ պատրաստ են քննարկել, սակայն այդ ֆորմատը որոշում անցկացնելու քվեարկությամբ չի առաջնորդվելու: Լևոն Զուրաբյանն ասաց, որ այդ ձևաչափը չի առաջարկում որոշումներ կայացնելու համար, այլ այն նախաձեռնելու է լայն հանրային կոնսեսուս։

«Ոչ մի առկայություն չունենք, եկեք հավաքվենք»,-ասաց Դավիթ Հարությունյանը:

Քննարկմանը Լևոն Զուրաբյանը նաև այլ առաջարկություն ներկայացրեց: Նախ պատմեց, որ հանրաքվեի ընթացքում իր ընկերներից մեկը իր տեսախցիկով ուղիղ հեռարձակում էր կազմակերպել ընտրատեղամասերից մեկում։ Դա իր վրա արժեցել էր ընդամենը 20 դոլար, և արդյունքում «Ոչ»-ը «ջախջախիչ» հաղթանակ էր տարել տեղամասում:

Եթե այդ 20-ը բազմապատկում ենք 2000-ով, որը ՀՀ-ում ընտրատեղամասերի քանակն է, ապա կազմում է 40.000 դոլար։ Հարությունյանը չմերժեց Զուրաբյանի առաջարկը։ Նա ասաց, որ իրենք կտրամադրեն այդ 40 հազար դոլարը Զուրաբյանի ընկերոջը, որ նա կկազմակերպի տեղամասերում ուղիղ հեռարձակում։ «Ժառանգություն» խմբակցության պատգամավոր Թևան Պողոսյանը, իրենք պետք է իրականում միջազգային տենդեր հայտարարեն:

Արդեն լրագրողների հետ զրույցում Լևոն Զուրաբյանը նշեց, որ իր առաջարկած, ընկերոջ կողմից փորձված տարբերակը ծախսատար չէ:

Լրագրողները նրան հիշեցրեցին նաև Թևան Պողոսյանի մտավախությունը, թե այստեղ էլ կոռպցիա տեսնում, քանի որ տենդեռ են առաջարկում և իրենց մարդուն անցկացնում. «Համաձայն եմ, ես հենց նոր իմ ընկերոջ համար 40 հազար դոլար կպցրեցի, և պատրաստ եմ դրա համար պատասխանատվություն կրել»,- պատասխանեց Զուրաբյանը:

Մանրամասները՝ տեսանյութում