Քննչական կոմիտեում տեղի է ունեցել 2026 թվականի բյուջետային հայտի նախագծերի հանրային քննարկում
ՀՀ քննչական կոմիտեում տեղի է ունեցել 2026-2028 թվականների միջնաժամկետ ծախսային ծրագրի և 2026 թվականի բյուջետային հայտի նախագծերի հանրային քննարկում` քաղաքացիական հասարակության կազմակերպությունների ներկայացուցիչների մասնակցությամբ:
Քննարկման շրջանակներում Կոմիտեի գլխավոր քարտուղար Կարեն Մարգարյանը ներկայացրել է կառույցի հաջորդ տարվա բյուջետային ֆինանսավորման հայտի հիմնական ուղղությունները։
Գլխավոր քարտուղարն ընդգծել է, որ բյուջետային գործընթացի շրջանակներում 2026 թվականին իրականացվելու է մեկ հիմնական ծրագիր և նշված ծրագրում հաջորդ տարվա համար ընդգրկված են թվով 7 միջոցառումներ` «Քրեական գործերով վարույթի իրականացում», «Վերապատրաստման և պատրաստման կազմակերպում», «ՀՀ քննչական կոմիտեի պահուստային ֆոնդ», Փորձագիտական ծառայությունների տրամադրում, «Մասնագիտական վերապատրաստում անցնող ունկնդիրներին կրթաթոշակի տրամադրում», «ՀՀ քննչական կոմիտեի տեխնիկական հագեցվածության բարելավում», ՀՀ քննչական կոմիտեի շենքային պայմանների բարելավում։
2026 թվականի համար նախատեսվող բյուջետային հայտում ներառված հիմնական ծրագրի և վերջինիս բաղկացուցիչ մաս հանդիսացող միջոցառումների իրագործման նպատակով առաջարկվող ծախսային հատվածը կազմում է շուրջ 21.6 մլրդ դրամ, որը 2025-ի բյուջետային հատկացումների համեմատ ավելացել է գրեթե 2.7 մլրդ դրամով` հիմնականում պայմանավորված փորձագիտական ծառայությունների տրամադրման և Կոմիտեի տեխնիկական հագեցվածության բարելավման միջոցառումներով։
Այնուհետև, Քննչական կոմիտեի հատուկ հանձնարարություններով գլխավոր վարչության պետ Արման Գալստյանն անդրադարձ է կատարել նախաքննական մարմնի 2026 թվականի տարեկան բյուջետային հայտի և 2026-2028 թվականների միջնաժամկետ ծախսային ծրագրերի կազմման համար հիմք հանդիսացող ոչ ֆինանսական մի շարք ցուցանիշների։ Գլխավոր վարչության պետը մասնավորապես անդրադարձել է քրեական վարույթներին, ապագայում մշակվելիք իրավական ակտերին, քննիչների միջին ծանրաբեռնվածությանը վերաբերող որոշ կանխատեսելի վիճակագրական ցուցանիշների, ինչպես նաև նախանշել Կոմիտեի հաջորդող տարիների գործունեությանն ուղղված մի շարք հեռանկարային ծրագրային գերակայություններ:
Հանրային քննարկմանը մասնակցող` քաղաքացիական հասարակության կազմակերպությունների և Կոմիտեի ներկայացուցիչների միջև ծավալվել է մտքերի փոխանակություն, որի ընթացքում բանախոսները պատասխանել են բարձրացված մի շարք հարցադրումների` ընդգծելով նաև ՀՀ քննչական կոմիտեի նախագահի դիրքորոշումը բյուջետային հատկացումների արդյունավետ կառավարման և այդ համատեքստում կառույցի գործունեության տարբեր հատվածներում շարունակական զարգացումներ ապահովելու վերաբերյալ:
«Բանակում ինչ-որ բան փոխելն արդեն ուշ ա, ժողովուրդ ջան, բանակում էլ չենք կարա բան անենք»․ Փաշինյան
Փաստորեն երգը կիսատ էր. հայ, Հայաստան, հայրենիք, Վարդանիկ. Պետրոս Ղազարյան
Ձեր որոշումը ճակատագրական կլինի՝ զարկ տվեք վերածննդի․ զոհվածի մայրը դիմել է Մարտուն Գրիգորյանին
Հակակոռուպցիոնը ուսումնասիրում է Վահե Ղազարյանի նվեր ստացած տները
ՀՔԱՎ գրասենյակը հաղորդում է ներկայացրել Վարդան Ղուկասյանի դեմ
Հավատացեք` որևէ անակնկալ չի լինելու. Վանեցյանը` Մարտուն Գրիգորյանի հայտարարության մասին
Նիկոլ Փաշինյանը ՆԳ նախարարի թեկնածու ունի, Արփինե Սարգսյանն ուզում է ծննդաբերելուց հետո շարունակել կ...
«Աստծուց մոռացված դժբախտներ»․․․ Հանրային ռադիոյի տնօրենի կինը վիրավորել է արցախցիներին
Այս պահին Գյումրու քաղաքապետարանի աշխատակիցները Սարիկ Մինասյանի աշխատասենյակն են դատարկում․ անակնկալ...
Վահե Ղազարյանի` միլպետ ընկերը Փաշինյանին չի ներել. Փարաքարի ընտրություններին «տակից» աշխատել է ՔՊ-ի ...
