«Շանտաժ է արել, հայհոյել եմ»․ Վիլեն Գաբրիելյանի այս հայտարարությանը լրագրողը հակադարձել է

 

Քիչ առաջ պատգամավոր Վիլեն Գաբրիելյանը հայտարարել է, թե իբրև ես իրեն շանտաժ եմ արել, ինչի համար էլ ինքը հայհոյել է ու չի զղջում։Պատասխանատու կերպով հայտարարում եմ, որ Վիլեն Գաբրիելյանը անամոթաբար ստում է, իմ կողմից որևէ շանտաժ չի եղել։ Դեպքը տեղի է ունեցել հետևյալ կերպ։ Գյումրու տիկնիկային թատրոնում ընտրական տեղամաս կար, Վիլեն Գաբրիելյանը հարբած վիճակում ծիկրակում էր թատրոնի պատուհանից, ես դուրս եկա ու տեսա ճոճվող Վիլեն Գաբրիելյանին, նրան ուղեկցող մի անձի ու 4 ոստիկանի հետ, փորձեցի հասկանալ, թե ինչ է կատարվում, ու էդ ընթացքում Վիլեն Գաբրիելյանը ինձ ասաց՝ "ինչ ես տենց թարս նայում", ես էդ պահին հանեցի հեռախոսս ու որոշեցի, որ նրա հետ պետք է տեսախցիկի առկայությամբ խոսեմ։ Մի քանի հարց տվեցի, թե ինչու է հարբած, ինչ է խմել, ինչ խնդիր ունի ոստիկանների հետ և այլն, ինչից հետո փորձեցի հեռանալ, սակայն նա ու իրեն ուղեկցող անձը սկսեցին ինձ ու օպերատորիս հետապնդել, հայհոյել։ Նախ ինչ հայհոյել ես, քեզ ես հայհոյել, Վիլեն Գաբրիելյան, երկորդը՝ չփորձես ինձ զրպարտել, թե ես քեզ շանտաժ եմ արել։ Դու Գյումրիում հարբած հասարակական կարգ ես խախտել, ու ես ցանկացած պարագայում այդ տեսանյութը հրապարակելու էի, ինչը արել եմ։ Factor TV-ի իմ գործընկերներին խնդրում եմ նաև հրապարակել իմ այս արձագանքը՝ ի պատասխան Վիլեն Գաբրիելյանի հրապարակած զրպարտության։