Նիկոլ Փաշինյանը ՆԳ նախարարի թեկնածու ունի, Արփինե Սարգսյանն ուզում է ծննդաբերելուց հետո շարունակել կառավարել` տեղապահ է գտել

Նիկոլ Փաշինյանը, NEWSPRESS.am-ի տեղեկություններով, որոշել է օգտագործել Արփինե Սարգսյանի հղիության հանգամանքն ու Ներքին գործերի նախարարությունում ազատվել նրա ներկայությունից:

Սարգսյանը, հավանաբար, կռահելով այս սցենարը, իրեն փոխարինող է պատրաստում իր տեղակալ Արմեն Ղազարյանին:

Սարգսյանի հույսն այն է, որ Ղազարյանն այսպես ասած «թույլ կերպար» է, և ՆԳՆ-ն միջնորդավորված շարունակելու է կառավարել ինքը: Բացի այդ, գործող նախարարը հույս ունի երեխային լույս աշխարհ բերելուց հետո կարճ ժամանակ անց վերադառնալ ՆԳՆ:

Սրան զուգահեռ երեկ «Քաղաքացիական պայմանագիր» կուսակցության վարչության նիստ է տեղի ունեցել:

NEWSPRESS.am-ի՝ կառավարության աղբյուրները հայտնում են՝ Փաշինյանն ասել է, որ ինքը ՆԳ նախարարի թեկնածու ունի և դա ՊՎԾ ղեկավար Ռոմանոս Պետրոսյանն է: Փաշինյանն իր ընտրությունը պայմանավորել է այն հանգամանքով, որ Պետրոսյանն ընդգծված քաղաքական գործիչ չէ և «գլուխը կախ՝ իր գործն է անում»:

Բանն այն է, որ Ներքին գործերի համակարգում Սարգսյանի նկատմամբ վաղուց ոչ այնքան խուլ դժգոհություն կա. Սարգսյանից դժգոհ են հատկապես ոստիկանության հնաբնակ պրոֆեսիոնալները: Պատմում են, որ Սարգսյանը փակվում է աշխատասենյակում, ընդունում է ում ուզի, որոշումները կայացնում է միանձնյա, և ընդհանրապես, շատ, քմահաճ է դարձել: Գտնում են, որ նրա ներկայությունից պետք է ազատվել:

NEWSPRESS.am-ի տեղեկություններով՝ Փաշինյանը Սարգսյանի ծննդյան օրը՝ ապրիլի 14-ը, չի գցի, թույլ կտա, որ երիտասարդ կինը՝ ապագա մայրիկը, նշի ծննդյան տարեդարձը, դրանից հետո միայն նրա տրամադրությունը ստիպված կլինի փչացնել և ազատել նրան: