Չարենցավանում 21-ամյա երիտասարդին կյանքից զրկելու գործով 5 անձ ձերբակալվել է․ մանրամասներ

Կոտայքի մարզում մի խումբ անձանց միջև տեղի ունեցած վիճաբանության ժամանակ դանակահարության հետևանքով 6 անձ տեղափոխվել է հիվանդանոց, որից 1-ը մահացել է: Armlur-ի տեղեկություններով, 1 անձի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 155-րդ հոդվածի 2-րդ մասի 12-րդ կետով, 166-րդ հոդվածի 2-րդ մասի 6-րդ և 10-րդ կետերով, 167-րդ հոդվածի 2-րդ մասի 8-րդ, 12-րդ կետերով և 167-րդ հոդվածի 2-րդ մասի 8-րդ, 12-րդ կետերով:

Վերջինիս նկատմամբ որպես խափանման միջոց կիրառվել է կալանքը:

 Չարենցավանի սպանության գործով 5 անձ ձերբակալվել է։ ՀՀ քննչական կոմիտեից հայտնեցին, որ հաղորդման հիման վրա նախաձեռնվել է քրեական վարույթ՝ Քրեական օրենսգրքի 155-րդ հոդվածի 2-րդ մասի 6-րդ կետի հատկանիշներով․ 5 անձ ձերբակալվել է:

Ավելի վաղ, NEWSPRESS.am-ը հայտնել էր, որ մահացածը Չարենցավան քաղաքի բնակիչ 21-ամյա Ռուբիկ Խանոյանն է: Վիրավորներն են Չարենցավան քաղաքի բնակիչներ 20-ամյա Գոռ Մանուչարյանը, 21-ամյա Ստյոպա Իսկանդարյանը և 21-ամյա Ռաֆիկ Մարգարյանը, որոնք հիվանդանոցում են։

Դեպքը եղել էր մարտի 29-ին․  «Porsche Cayenne»-ով և «Jeep»-ով Չարենցավանի հիվանդանոց է տեղափոխվել 1 մահացած և 4 վիրավոր քաղաքացի։ Սպանությունը եղել էր Չարենցավանի հայտնի «Ginats» ռեստորանի հարակից տարածքում։ Քրեական վարույթի շրջանակներում 20-ից ավելի երիտասարդներ են հարցաքննվել, ավելին ենթադրյալ սպանություն կատարողը ինքնակամ ներկայացեռլ է իրավապահներին, և ձերբակալված անձանցից մեկն էլ նա է: