«Ռոստամ և Սոհրաբ». համաշխարհային պրեմիերա՝ Երևանում
Ա. Սպենդիարյանի անվան օպերայի և բալետի ազգային ակադեմիական թատրոնում կայացել է Լորիս Ճգնավորյանի «Ռոստամ և Սոհրաբ» 2 գործողությամբ օպերային ներկայացման առաջնախաղը:
ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալներ Դանիել Դանիելյանը և Արթուր Մարտիրոսյանը դիտել են «Ռոստամ և Սոհրաբ» ներկայացման առաջնախաղը: Նախարարը հանդիպել է նաև մաեստրո Լորիս Ճգնավորյանի և ներկայացման ստեղծագործական անձնակազմի հետ, շնորհավորել առաջնախաղի կապակցությամբ: Հանդիպմանը ներկա է եղել նաև ՀՀ-ում Իրանի Իսլամական Հանրապետության արտակարգ և լիազոր դեսպան Մեհդի Սոբհանին:
«Ռոստամի և Սոհրաբի պատմությանը մանկուց եմ սիրահարված։ Միշտ եմ ցանկացել օպերա գրել, բայց ուժ չունեի։ Ավարտեցի Վիեննայի ակադեմիան, վերադարձա Պարսկաստան և 1961 թվականին սկսեցի այդ նախագիծը։ Վաթսունհինգ տարի անցավ, մինչև օպերան բեմադրվեց։ Գաղափարը ծագեց 65 տարի առաջ, բեմադրվում է 65 տարի հետո։ Ութ տարբերակ եմ գրել։ Երբ Պարսկաստանում սկսեցի գրել, պահանջ զգացի, որ մի մեծ վարպետի ցույց տամ այն և խորհրդակցեմ նրա հետ։ Այն ժամանակ մտածեցի գնալ Ստրասբուրգ՝ միջազգային ճանաչում ունեցող մեծ կոմպոզիտոր Կառլ Օրֆի մոտ։ Երբ հանդիպեցի նրան, լսեց օպերայի մի քանի հատված ու առաջարկեց մնալ Ստրասբուրգում և ավարտել օպերան։ Ուսանող էի, չէի կարող մնալ, իսկ նա ինձ ասաց, որ Ստրասբուրգում մնալու մեկ տարվա ծախսը հոգացել են։ Ասաց՝ գնա, նստի, օպերան գրի։ Զարմանալի է, չէ՞։ Դժվար օպերա էր։ Կոնցերտային տարբերակով մի քանի անգամ կատարել եմ Վիեննայում, Անգլիայում, Մեքսիկայում, Հայաստանում, բայց այն երբեք չի բեմադրվել։ Երջանիկ եմ, որ այժմ այն կատարվում է»,- օպերայի ստեղծման մասին պատմել է մաեստրո Լորիս Ճգնավորյանը։
Ներկայացման արտիստական կազմը. Ռոստամ՝ Արման Առաքելյան, Սոհրաբ՝ Պերճ Քարազյան (ՀՀ վաստակավոր արտիստ), Թահմինե՝ Լուսինե Մակարյան, Ֆիրդուսի (պատմիչ)՝ Ռոման Խնկոյան, Հուման՝ Ռոլանդ Սոֆոյան, Աֆրասիաբ՝ Հովհաննես Ներսեսյան, Սամանգանի արքա՝ Գոշ Սարգսյա, դիրիժոր՝ Կարեն Դուրգարյան (ՀՀ վաստակավոր արտիստ):
Ներկայացման բեմադրական կազմը. երաժշտական ղեկավար` Լորիս Ճգնավորյան, բեմադրող ռեժիսոր, պարուսույց` Յարթա Յարան, զգեստների և բեմադրող նկարիչ` Յարթա Յարան, ռեժիսորի օգնական՝ Արա Ասատուրյան, լուսային նկարիչ՝ Եվգենի Գանսբուրգ, երգչախմբի ղեկավար՝ Նարինե Ոսկանյան:
Թուրք բլոգերը Երևանում Արցախի մասին երգ է երգել (տեսանյութ)
Վահե Ղազարյանի` միլպետ ընկերը Փաշինյանին չի ներել. Փարաքարի ընտրություններին «տակից» աշխատել է ՔՊ-ի ...
Ինչ է կատարվում «Հայաթ փրոջեքթի» և Ռուբեն Մխիթարյանի միջև. «Հրապարակ»
Փաստորեն երգը կիսատ էր. հայ, Հայաստան, հայրենիք, Վարդանիկ. Պետրոս Ղազարյան
Կրակոց՝ Տավուշի մարզում․ «ճակատային շրջանի միջանցիկ վերք» ախտորոշմամբ երեխա է հոսպիտալացվել
Հավատացեք` որևէ անակնկալ չի լինելու. Վանեցյանը` Մարտուն Գրիգորյանի հայտարարության մասին
Նիկոլ Փաշինյանը ՆԳ նախարարի թեկնածու ունի, Արփինե Սարգսյանն ուզում է ծննդաբերելուց հետո շարունակել կ...
«Աստծուց մոռացված դժբախտներ»․․․ Հանրային ռադիոյի տնօրենի կինը վիրավորել է արցախցիներին
Այս պահին Գյումրու քաղաքապետարանի աշխատակիցները Սարիկ Մինասյանի աշխատասենյակն են դատարկում․ անակնկալ...
Պարզվել է, որ Չարենցավանում տեղի ունեցած դեպքի հետևանքով կա ևս մեկ վիրավոր. մյուս տուժողների անուննե...
