Հուսով եմ միչև կյանքի վերջ Միքայել Մինասյանի հետ ընկերներ կմնանք.Կարեն Շախմուրադյան. (տեսանյութ)

ՀՅԴ խմբակցության պատգամավոր Կարեն Շահմուրադյանը ԱԺ-ում լրագրողների հետ զրույցում նշեց, որ դատապարտում է երեկ խորհրդարանում ՀՀԿ-ական պատգամավորներ Կարեն Ավագյանի, Առաքել Մովսիսյանի և Նիկոլ Փաշինյանի միջև տեղի ունցած միջադեպը:

«Սա առաջին դեպքը չէ, որ խորհրդարանում նման բաներ են լինում, երեկվա դեպքն էլ իսկապես տհաճ դեպք էր, ինձ թվում է, որ նման բաները վարկաբեկում են մեր ժողովրդին, նմանատիպ մոտեցումները հարիր չեն մեր պատգամավորներին: Մարդիկ պետք է ավելի զուսպ լինեն, մարդիկ պետք է իրենց նյարդային համակարգը հանգիստ պահեն»,-ասաց նա:

Նա նաև ասաց, որ իր մասնակցությամբ միջադեպ չի կարող լինել , ինքն իրեն թույլ չի տա նման վարքագիծ դրսևորել , շատ ամուր նյարդեր ունի.«Նման վարքագծով մարդ առաջինը չեն հարգում շրջապատին: Մարդիկ կարող էին դահլիճից դուրս որոշել իրենց խնդիրները»,- ասաց Շահմուրադյանը:

Newspress.am-ը պատգամավորից նաև հետաքրքրվեց, թե Միքայել Մինասյանի հետ իր հարաբերությունները կրկին ջերմ են. «Ընկերներ էինք, ընկերներ ենք, հուսով եմ միչև կյանքի վերջ կմնանք»,-ասաց նա` ևս մեկ անգամ վստահեցնելով, որ Միքայել Մինասյանը կապ չունի իր խորհրդարանում, Դաշնակցության ցուցակում հայտնվելու հետ:

Մանրամասները` տեսանյութում