«Կորտիզոլն» ու «ադրենալինը» նույնն են. նորանշանակ պաշտոնյայի սկանդալային սխալը
«Ժողովուրդ» օրաթերթը գրում է.
««Ժողովուրդ» օրաթերթը անդրադարձել է առողջապահության նախարար Անահիտ Ավանեսյանի եւ նախարարի առաջին տեղակալ Լենա Նանուշյանի գործունեությանն ու հատկապես նրանց նախաձեռնությամբ իրականացվող կադրային կասկածելի որոշումներին։
Հիշեցնենք, որ դեռ անցյալ տարի աշխատանքից ազատվել էր առողջապահության նախարարության Հիվանդությունների կանխարգելման եւ վերահսկման ազգային կենտրոնի երկարամյա փոխտնօրեն Գայանե Սահակյանը։ Առողջապահական համակարգում Գայանե Սահակյանը համարվում է արհեստավարժ կադր: Նա մեծ ներդրում է ունեցել հանրային առողջապահական, վարակիչ հիվանդությունների կանխարգելման կազմակերպման, այդ թվում՝ տասնամյակներ շարունակ բնակչության շրջանում պատվաստումների արդյունավետ իրականացման գործում։
Մինչեւ այդ՝ 2024 թվականի սկզբին, նախարար Անահիտ Ավանեսյանի ու Լենա Նանուշյանի թեթեւ ձեռքով աշխատանքից ազատվել էր նույն կենտրոնի գլխավոր տնօրեն Արտյոմ Վանյանը, որը նույնպես մեծ ավանդ ունի Հայաստանի Հանրապետությունում համաճարակաբանության զարգացման մեջ։ Հանրապետության այս կարեւորագույն կենտրոնում Վանյանին փոխարինել էր Ավանեսյանի եւ Նանուշյանի հովանավորյալ Ստեփան Աթոյանը, որն էլ սկսել է իրականացնել կադրային ջարդ՝ սկզբում աշխատանքից ազատելով հենց Գայանե Սահակյանին։
Օրեր առաջ «Հանրային աղմուկի» մասին լսումների ժամանակ երկրի բարձրագույն ամբիոնից՝ Ազգային ժողովից, Ստեփան Աթոյանն իր ելույթում երկու բոլորովին տարբեր հորմոններ՝ «կորտիզոլն» ու «ադրենալինը» համարեց նույնը՝ բառացիորեն ասելով հետեւյալ միտքը. «… կորտիզոլ, որը նույն ինքը՝ բոլորիս հայտնի ադրենալինն է…»:
Ցանկացած երկրում սա բժշկական կրթություն ունեցող տնօրենի համար վերջին խայտառակությունը կլիներ եւ պաշտոնը լքելու հիմնավոր պատճառ։ Բայց չեղավ: Նա շարունակում է պաշտոնավարել այդ խայտառակությունից հետո»:
Մանրամասները՝ «Ժողովուրդ» օրաթերթի այսօրվա համարում:
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Փաշինյանը որոշել է «ժերտվա տալ» մերձավորներին. «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
