Շարունակվում են Հայաստանի պատանիների և աղջիկների առաջնության կիսաեզրափակիչ մրցաշարերը

Հայաստանի շախմատի ակադեմիայում շարունակվում են 2025 թվականի Հայաստանի պատանիների և աղջիկների առաջնության կիսաեզրափակիչ մրցաշարերը:

5 խաղափուլից հետո մինչև 8 տարեկան պատանիների մրցաշարում առաջատարներն են Հայկ Իվանյանը և Մանվել Վարդանյանը, ովքեր հաղթել են բոլոր 5 խաղերում:

Մինչև 10 տարեկան պատանիների մրցաշարում առաջատարներն են Աշոտ Ավետիսյանը և Միքայել Սարգսյանը, ովքեր հաղթել են բոլոր 5 խաղերում:

Մինչև 12 տարեկան պատանիների մրցաշարում միանձնյա առաջատարն է Արման Ասլանյանը, ով ունի 4.5 միավոր:

Մինչև 14 տարեկան պատանիների մրցաշարում միանձնյա առաջատարն է Ավիկ Իսախանյանը, ով ունի 4.5 միավոր:

Մինչև 16 տարեկան պատանիների մրցաշարում միանձնյա առաջատարն է Դավիթ Դավթյանը, ով ունի 4.5 միավոր:

Մինչև 18 տարեկան պատանիների մրցաշարում միանձնյա առաջատարն է Ալլեն Հակոբյանը, ով ունի 4 միավոր:

Մինչև 10 տարեկան աղջիկների մրցաշարում առաջատարներն են Սոֆիա Բաղրամյանը և Եվա Ադամյանը, ովքեր հաղթել են բոլոր 5 խաղերում։

Մինչև 12 տարեկան աղջիկների մրցաշարում առաջատարներն են Անգելինա Միրաքյանը, Լիդա Սինգը և Մարի Աթոյանը, ովքեր ունեն 4.5 միավոր:

Մինչև 14 տարեկան աղջիկների մրցաշարում առաջատարներն են Անգելինա Դիլոյանը, Անի Թավաքալյանը և Վիկտորիա Շառաջյանը, ովքեր ունեն 4 միավոր:

Մինչև 16 տարեկան աղջիկների մրցաշարում առաջատարներն են Լիլիթ Կասինյանը և Լիլիա Դանիելյանը, ովքեր ունեն 4.5 միավոր:

Մասնակիցների քիչ քանակի պատճառով՝ մինչև 16 տարեկան աղջիկների մրցաշարը կանցկացվի 7 խաղափուլով։ Մյուս տարիքային խմբերի մրցաշարերը կանցկացվեն 9 խաղափուլով: