Թե ինչ թարախոտ, գարշահոտ ու ստոր մեթոդներով է ՔՊ-ն զբաղվում՝ ակտիվիստների դեմ պատերազմ մղելով. Արթուր Չախոյան

Հասարակական գործիչ, ակտիվիստ Արթուր Չախոյանն ահազանգում է՝ իր ու այլ ակտիվիստների նկատմամբ իշխանության ներկայացուցիչների դատական հայցերի մասին, որոնք, ըստ նրա, լռեցնելու նպատակ ունեն։

«Կանդրադառնամ նաև իմ նկատմամբ իրականացված նմանատիպ վախեցնելու փորձերին։

Մոտ մեկ ամիս առաջ հրապարակում էի արել, որտեղ անդրադարձել էի ՔՊ-ական Լևոն Լևոնյանին և Սաշա Կատվալյանին, որոնք իրենց հերթին փորձեցին ինձ վախեցնել՝ սպառնալով, որ դատարան կդիմեն։ Այս հանգամանքը ևս մեկ անգամ փաստում է, որ ՔՊ-ն դատարանների միջոցով փորձում է ճնշել ակտիվիստներին։ Իմ վերոնշյալ դեպքում այս երկու ՔՊ-ականները դատարանում պարտվելու են, քանի որ նրանց հայցերն այնքան անհեթեթ են, որ նույնիսկ ՔՊ-ի հրահանգներով ղեկավարվող դատական համակարգը չի կարող ինձ մեղավոր ճանաչել։ Բայց անկախ ամեն ինչից, որ ես ճիշտ եմ, միևնույն է, նրանք լռեցնելու նպատակով փորձում են դատական հայցերով վախ ներշնչել, որպեսզի լռեմ, էլ չեմ խոսում իմ նկատմամբ հարուցված շինծու փուչիկ քրեական գործերի մասին։ Այս հրապարակման նպատակը բացահայտ ցույց տալն է, թե ինչ թարախոտ, գարշահոտ ու ստոր մեթոդներով է ՔՊ-ն զբաղվում՝ ակտիվիստների դեմ պատերազմ մղելով։ Քանի որ սպառնալիքներով, շանտաժով ու ահաբեկմամբ չեն կարող լռեցնել, հիմա գործի են դրել իրենց ամենափտած, ամենանեխած զենքը՝ դատական համակարգը։

ՔՊ-ն, որպես քաղաքականապես սնանկ, բարոյապես քայքայված ու մտավոր դատարկ ռեժիմ, շինծու քրեական գործերով ու դատական հայցերով փորձում է ակտիվիստներին ֆինանսապես խեղդել, հոգեբանորեն ջախջախել ու վախ ներշնչել։ Սրանք ոչ թե իշխանություն են, այլ պետության վրա նստած թարախապատ տզրուկներ, որոնք դատարաններն օգտագործում են որպես սեփական անձնական վենդետայի գործիք»,-նշել է Չախոյանը։