Սիրելի բժիշկներ, ձեզ նորից պատժում են․ Անուշ Պողոսյան

Առողջության իրավունք ՀԿ-ի նախագահ Անուշ Պողոսյանը գրում է.

«Այսօր Ազգային Ժողովում քննարկվում էր «Անձի ֆունկցիոնալության գնահատման մասին» 2021 թվականի մայիսի 5-ի ՀՕ-195-Ն օրենքի նախագիծը, որտեղ ՀՀ առողջապահական և աշխատանքի տեսչական մարմնին իրավասություններ է տրվում, որ միջնորդագիր ներկայացնի առողջապահության բնագավառի պետական կառավարման լիազոր մարմին՝ անձին ֆունկցիոնալության գնահատման ուղեգրում իրականացրած բուժաշխատողին անհատական լիցենզիայից զրկելու վերաբերյալ՝ եթե բուժաշխատողը մեկ տարվա ընթացքում ուղեգրման առնվազն երեք դեպքով թույլ է տվել խախտում: Ստացվում է մի իրավիճակ, երբ դուք ձեր մասնագիտական հմտությունների համար հաղթահարելով քննական գործընթացը, ստանալու եք անհատական լիցենզիա, սակայն դրանից զրկվելու եք, եթե ԱԱՏՄ տեսուչը որոշի, որ դուք բուժառուին ընթացակարգային սխալով եք ուղեգրել ֆունկցիոնալության գնահատման։ Զավեշտը այնն է, որ մի բուժքույր- պատգամավոր (հարգանքներս բոլոր բուժքույրերին) ամբիոնից հայտարարում է, որ կյանքի հետ գործ ունեն, բա պիտի ուշադիր լինեն, բա պիտի զրկվեն լիցենզիայից․․․․․․․

Արսեն Թորոսյանն էլ ակտիվ պաշտպանում է բուժքույր- պատգամավորի տեսակետը։

Իրականում բժիշկները ընդամենը ուղեգրում են հիվանդին, իսկ անձի ֆունկցիոնալության գնահատումը հանձնաժողովի խնդիրն է, այսինքն օրենքի ուժով խոչնդոտներ են դնում քաղաքացիներին՝ հաշմանդամության համար ուղեգրման մեջ․․․

Հ․Գ․ Առաջարկում եմ մի օրենք էլ ընդունեք, օրինակ, այն բժիշկները, որոնց դրած նախնական ախտորոշումը չհամապատասխանի վերջնական ախտորոշմանը, պատժել՝ տուգանել, զրկել հավաստագրից և դիպլոմներից, գույքը բռնագրավել, կալանավորել, ցմահ ազատազրկել, արտաքսել և այլն))))

Հ․Հ․Գ․ Հարգելի իշխանություն, հետգրությունը կատակ է, լուրջ չընդունեք»։