Գազի գինը սպառողի համար կիջնի. (տեսանյութ)

Հույսով եմ, որ բավականին սեղմ ժամկետներում պատասխան կստանանք, ես ձեզ օրը կասեմ: Կառավարության նիստից հետո լրագրողների հետ զրույցում ասաց ՀՀ Էկոնոմիկայի և բնական պաշարների նախարար Լևոն Յոլյանը՝ անդրադառնալով գազի գնի շուրջ Հայաստանի և Ռուսաստանի բանակցություններին:

Նախարարը գազի գնի և դրա շուրջ ընթացքող բանակցությունների մասին հարցերին հստակ պատասխաններ չտվեց՝ նշելով, որ չի կարող մանրամասնել բանակցային գործընթացը: Ինչպես նաև նա չպարզաբանեց, թե որքանով կարող է նվազել գազի գինը:

«Ես ասացի՝ առողջ մթնոլորտում բանակցություններ են ընթանում, թողեք թող ավարտվեն, նոր արդյունքները կներկայացնենք»,- սրտնեղեց նախարարը:

Լևոն Յոլյանն անդրադարձավ Իրանից Վրաստան գազի մատակարարելու գործում՝ Հայաստանը որպես տարանցիկ երկիր ներգրավելու խնդրին:
«Եթե Հայաստանը դառնա տարանցիկ երկիր ապա օգուտներ կունենա. Պարզ չէ՞, տրանզիտի գումարները գնալու են բյուջե»,-նկատեց նախարարը:

Մանրամասները՝ տեսանյութում