Աղմուկի անթույլատրելի մակարդակի հետ կապված դեպքերով աշխատակազմում ստացվում են բազմաթիվ բողոքներ. ՄԻՊ
Մարդու իրավունքների պաշտպան Անահիտ Մանասյանի նախաձեռնությամբ և Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի հետ համագործակցությամբ մարտի 21-ին անցկացվել են խորհրդարանական լսումներ «Հանրային աղմուկը՝ որպես համակեցության կանոնների պահպանման խոչընդոտ, գործող իրավական կարգավորումներ. Օրենսդրական լուծումներ» թեմայով։
Խորհրդարանական լսումներին մասնակցել են պատգամավորներ, պետական տարբեր գերատեսչությունների, քաղաքացիական հասարակության, ակադեմիական շրջանակների ներկայացուցիչներ, փորձագետներ։
Պաշտպանն իր ելույթում նշել է, որ թեև աղմուկի անթույլատրելի մակարդակի հետ կապված խնդիրը հաճախ մարդու իրավունքների դիտանկյունից քննարկման առարկա չի դառնում, այն ուղղակի ազդեցություն ունի մարդու հիմնարար իրավունքների վրա՝ ինչպես անձի առողջության պահպանման իրավունքի, այնպես էլ՝ մասնավոր կյանքի անձեռնմխելիության և վատ վերաբերմունքի դրսևորման տեսանկյունից։
«Աղմուկի անթույլատրելի մակարդակի հետ կապված դեպքերով աշխատակազմում ստացվում են բազմաթիվ բողոքներ, ինչպես Երևանից, այնպես էլ՝ ՀՀ տարբեր մարզերից։ 2024 թվականի ընթացքում Պաշտպանի աշխատակազմ ստացված դիմում-բողոքների քանակը այնքան մեծ է եղել, որ այս խնդրին անդրադարձ կլինի նաև 2024 թվականի տարեկան հաղորդման շրջանակներում։ Բողոքները վերաբերել են ինչպես հանրային սննդի օբյեկտներին, զվարճանքի վայրերին, ավտոլվացման կետերին, ռեստորաններից հնչող աղմուկին, այնպես էլ՝ շինարարական աղմուկին, նույնիսկ հանգստյան օրերին, որոնք խաթարում են քաղաքացիների անդորրը»,- նշել է Մարդու իրավունքների պաշտպանը:
Անահիտ Մանասյանն ընդգծել է, որ թեև մի շարք հարցեր Պաշտպանի աջակցությամբ դրական լուծում են ստանում, այնուամենայնիվ դրանց կրկնվելու ռիսկը բավական մեծ է՝ հաշվի առնելով, որ չկան վերահսկողության հստակ մեխանիզներ։ Այսպիսով, անհրաժեշտ է այս ոլորտի վերաբերյալ ունենալ համապարփակ օրենսդրութուն, որը տոտալ կվերափոխի ոլորտը։
Հանրային լսումների ավարտին, Անահիտ Մանասյանը նշել է, որ բոլոր այն քննարկումները, թե ոլորտում իրականացվող փոփոխությունները կարող են խաթարել գործարարության բնագավառում որոշակի գործունեություն, ընդհանրապես տեղին չեն, քանի որ դրանց միակ նպատակը լինելու է աղմուկի այնպիսի մակարդակ և համակեցության այնպիսի կանոններ ունենալը, որոնք կհամապատասխանեն այսօրվա աշխարհում սահմանված չափանիշներին։
«Պետք է չմոռանալ, որ այս բոլոր հարցերի հետևում կանգնած են մարդիկ և փաստացի խախտվում են այդ մարդկանց հիմնարար իրավունքները»,-եզրափակել է Անահիտ Մանասյանը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
