Փաշինյանը հրահանգել է ազատման դիմումներ գրեն. «Ժողովուրդ»

«Ժողովուրդ» օրաթերթը գրում է.

««Ժողովուրդ» օրաթերթի լրագրողները Գյումրիից հայտնում են, որ իշխող «Քաղպայմանագրի» ողջ վերնախավը գտնվում է Գյումրիում այս օրերին: Ե՛վ վարչության անդամները, ե՛ւ պատգամավորները, միմյանց հերթ չտալով, այցելում են Սարիկ Մինասյանին, իրենց պատրաստակամությունը հայտնում օգնելու, սակայն իրավիճակը չի փոխվում:

ՔՊ-ի հեղինակությունը Գյումրիում խայտառակ ցածր է, և որևէ հոլովակ, քաղաքը պաստառապատելու որևէ  քայլ, անգամ՝ պետբյուջեի միջոցներով արվող տարբեր շինարարություններ ՔՊ-ի հաղթանակի շանսերը չեն ավելացնում:

«Ժողովուրդ» օրաթերթը տեղեկացավ, որ Նիկոլ Փաշինյանը Շիրակի մարզի ՔՊ պատասխանատուներին օրերս խիստ հրահանգ է տվել՝ եթե պարտվեն, բոլոր պաշտոնյաները պետք է աշխատանքից ազատման դիմումներ գրեն. Գյումրու հաղթանակը ՔՊ-ի համար ճակատագրական նշանակություն ունի:

Շատ ՔՊ-ականներ «Ժողովուրդ» օրաթերթի հետ զրույցում նաև կարծիք էին հայտնում, որ տարատեսակ պաշտոնյաների այցը նախընտրական Գյումրի նաև իր բացասական կողմն ունի, քանի որ քաղաքացիները սկսել են խոսել, թե մինչ այս պետությունն ինչու Գյումրիին դեմքով չէր նայում: Ըստ այդմ, Գյումրիում կարծիքներ կան ՔՊ շրջանակում՝ գուցե թողնեն Սարիկ Մինասյանը միայնա՞կ պայքարի, և չխանգարե՞ն նրան»:

Առավել մանրամասն թերթի այսօրվա համարում