Արդեն 15 օր է՝ վրաց-ռուսական անցակետում կանգնեցնում են հայկական ապրանքները դեպի ՌԴ արտահանող մեքենաներն ու գումար պահանջում՝ ճանապարհը շարունակել թույլ տալու համար․ ահազանգ
Արդեն 15 օր է` հայկական արտադրանքը Ռուսաստան արտահանելու համար խոչընդոտներ են ստեղծվում։ Այդ մասին NEWSPRESS.am-ի խմագրությանն են ահազանգել արտահանողներ։ Նրանք նշում են, որ մարտի 5-ից վրաց-ռուսական անցակետում իրենց համար արհեստական խոչընդոտներ են ստեղծել։
«Այս պահին ծաղիկներ ենք տանում։ Առանց բացատրության և բացառության, Վրաստանում կանգնեցնում են անխտիր բոլոր մեքենաները և գումարներ շորթում, որից հետո միայն թողնում շարունակել ճանապարհը դեպի Ռուսաստան»,- մեզ հետ զրույցում ասաց արտահանողներից մեկը՝ հավելելով․ «Բրոքերի մակարդակով կապվում, գումար են ուզում»։
Նա նշեց, որ խոսքը 1000-2000 դոլարի մասին է։ Մեր զրուցակիցը վստահեցնում է՝ խնդրի մասին տեղյակ են բոլորը՝ թե՛ տնտեսվարողները, թե՛ համապատասխան պաշտոնյաները, սակայն ոչ ոք ոչ մի լուծում չի տալիս։
«Լավ, ի վերջո, մենք պետություն ունե՞նք, թե՞ ոչ։ Ինչո՞վ Է զբաղվում Վրաստանում մեր դեսպանը։ Միգուցե վրաց ախպերների գաղափարներին աջակցելո՞վ՝ կոծկելո՞վ, հարստանալո՞վ։ Այո՛, մենք այլևս «պետություն» չունենք… էլ բան չի մնացել տալու, գյուղացու քրտինք ենք տալիս՝ ո՞ւմ` վրացուն»,- վրդովված ասաց մեր զրուցակիցը։
Նա նշեց, որ առաջին 5 օրը հայ արտահանողները գումար չէին տալիս՝ փորձելով այլ ելք գտնել, սակայն նշում է, որ փչացող ապրանքներ կան և չեն կարող երկար սպասել։
Մեքենաներից մի քանիսն այս պահին գտնվում են Թբիլիսիի Գեզի մաքսային տերմինալում, որտեղ նրանց ուղարկել են վրացական անցակետից՝ իբր բեռի և փաստաթղթերի զննման համար։ Թե ինչու է «զննումն» ուշացվում՝ վրացական մաքսային մարմիններից ստանում ենք միմիայն լղոզված պատասխան։ Ասում են՝ դեռ սպասեք, ընթացքի մեջ է․․․
Հարկ է նկատել, որ այս պահին նոր մեքենաներ են մոտենում մաքսակետին, որոնք ևս կարժանանան նախորդ բեռնատարների ճակատագրին։
Քանի որ ոտնահարվում են ՀՀ տնտեսվարողների շահերն ու, փաստացի, խոչընդոտվում է հայկական ապրանքի արտահանումը, ուստի հրավիրում ենք պատկան մարմինների ու, հատկապես, Վրաստանում ՀՀ դեսպանատան ուշադրությունը՝ խնդրին անհապաղ լուծում տալու համար։
Արմինե Մկրտումյան
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
