ՀՖՖ նախագահի հրաժարականն անխուսափելի է. Արթուր Սողոմոնյան
«Փյունիկ» Ակադեմիայի սեփականատեր Արթուր Սողոմոնյանի հայտարարությունը․
«Հարգելի երկրպագուներ, հայկական ֆուտբոլի ապագայով հետաքրքրվածներ։ Ցանկանում եմ ևս մեկ անգամ անդրադառնալ մի իրավիճակի, որը ստեղծվել է մեր երկրում ֆուտբոլի շուրջ, մի մարզաձևի, որն ամենասիրվածն ու տարածվածն է թեˊ Հայաստանում, թեˊ ամբողջ աշխարհում։
Առիթ ունեցել եմ ասելու, կրկնեմ նաև հիմա՝ հայկական ֆուտբոլում իրավիճակը վաղուց դուրս է եկել պրոֆեսիոնալիզմի ու ողջամտության սահմաններից։ ՀՖՖ ներկա ղեկավարությունն այն վերածել է անառողջ միջավայրի, իսկ իրենք պատրաստ են մինչև վերջ կառչած մնալ աթոռներից և օգտվել ՖԻՖԱ-ի ու ՈՒԵՖԱ-ի դրամական հոսքերից։
Ավելին՝ ֆուտբոլից հեռացնելով իրենց համար անընդունելի ներդրողներին՝ այժմ այս մարդիկ անցել են երկրպագուներին։ ՀՖՖ-ի ղեկավարների միջնորդությամբ երկրպագուներին ձերբակալում և սպառնում են քրեական հետապնդումներով զուտ նրա համար, որ նրանք արդարացիորեն բացատրություն են պահանջում վերջին տարիներին հայկական ֆուտբոլում անվերջ թվացող ձախողումների ու պարտությունների համար։
Հայաստանի և Վրաստանի ազգային հավաքականների երևանյան խաղի նախօրեին ֆուտբոլային անբարեխիղճ ղեկավարները գնացին հերթական ստոր քայլին՝ վրաց երկրպագուներին հատկացնելով ավելի շատ տոմսեր, քան Հայաստանի հավաքականի երկրպագուական FAF և Red Eagls շարժումներին՝ թերևս այսպիսով հույս ունենալով լռեցնել մեր ֆաների բողոքի ձայնը։
Դիմում եմ բոլորին, ովքեր մարտի 20-ին լինելու են մարզադաշտում, կոչ եմ անում միավորվել մեր երկրպագուների հետ, դառնալ մեկ ամբողջություն ու աջակցել նրանց ակցիաներին ու արդար պայքարին հանուն հայկական ֆուտբոլի մաքրության ու ապագայի։
Միասին ունակ ենք մեծ գործերի։
Հրաժարականն անխուսափելի է»։
Փաստորեն երգը կիսատ էր. հայ, Հայաստան, հայրենիք, Վարդանիկ. Պետրոս Ղազարյան
Հակակոռուպցիոնը ուսումնասիրում է Վահե Ղազարյանի նվեր ստացած տները
ՀՔԱՎ գրասենյակը հաղորդում է ներկայացրել Վարդան Ղուկասյանի դեմ
Ներքին գործերի նախարարի թեկնածու են փնտրում. Արփինե Սարգսյանը հղի է, հեռանում է. «Ժողովուրդ»
Երկրաշարժ՝ օկուպացված Արցախի հանրապետության տարածքում. ցնցումները զգացվել են նաև Սյունիքում
Նիկոլ Փաշինյանը ՆԳ նախարարի թեկնածու ունի, Արփինե Սարգսյանն ուզում է ծննդաբերելուց հետո շարունակել կ...
«Աստծուց մոռացված դժբախտներ»․․․ Հանրային ռադիոյի տնօրենի կինը վիրավորել է արցախցիներին
Այս պահին Գյումրու քաղաքապետարանի աշխատակիցները Սարիկ Մինասյանի աշխատասենյակն են դատարկում․ անակնկալ...
Վահե Ղազարյանի` միլպետ ընկերը Փաշինյանին չի ներել. Փարաքարի ընտրություններին «տակից» աշխատել է ՔՊ-ի ...
«Բանակում ինչ-որ բան փոխելն արդեն ուշ ա, ժողովուրդ ջան, բանակում էլ չենք կարա բան անենք»․ Փաշինյան
