Գերմանիայի ռազմակայանից ամերիկան ռազմատեխնիկա կտեղափոխվի Հայաստան. RT

Վաշինգտոնը մտադիր է Դյուլմենի (Գերմանիա) ռազմակայանից ռազմական տեխնիկա տեղափոխել Հայաստանի զորավարժարաններից մեկը։ Հաստատությունը ԱՄՆ-ի կարևորագույն լոգիստիկ հանգույցն է Եվրոպայում և Աֆրիկայում, ինչը հատկապես կարևոր է դարձնում գործողությունը աշխարհաքաղաքական համատեքստում:

Այս մասին հայտնում է RT-ն։

Սարքավորումը Վրաստանի տարածքով կառաքվի հուլիսի 16-ից օգոստոսի 7-ն ընկած ժամանակահատվածում։ Ընդհանուր առմամբ, նախատեսվում է տեղափոխել 151 միավոր տեխնիկա, այդ թվում՝ տրանսպորտային միջոցներ, գեներատորներ և մասնագիտացված կոնտեյներներ։

Փաստաթղթերի համաձայն՝ առաքելության ավարտից հետո ամբողջ տեխնիկան պետք է վերադարձվի Գերմանիա մինչև 2025 թվականի սեպտեմբերի 20-ը։

Բացի այդ, պայմանագրով նախատեսվում է տեխնիկայի տեղափոխում Հայաստանի Արմավիրի հրաձգարանից դեպի վրացական Փոթի նավահանգիստ։ Այս գործողության շրջանակներում Հայաստան է բերվելու նաև շտապօգնության ութ մեքենա, սակայն բացառվում է դրանց տեղափոխումը Ռուսաստանի, Թուրքիայի և Ադրբեջանի տարածքով:

Հատկանշական է, որ ամերիկացի զինվորականները լրացուցիչ ծառայություն են պատվիրել սարքավորումների լվացման և ախտահանման համար՝ դա բացատրելով որպես խոզերի աֆրիկյան ժանտախտի դեմ պայքարի միջոցառումների շրջանակներում։