Բելգրադում ցույցին մասնակցել է մոտ 31 հազար մարդ

Սերբիայի ներքին գործերի նախարարության գնահատականներով՝ Բելգրադում  ուսանողական հանրահավաքի է հավաքվել շուրջ 31 հազար մարդ, գրում է Kurir-ը։

Մարտի 15-ին հայտարարվել էր խոշոր միջոցառում, և մասնակիցները սկսեցին հավաքվել միջոցառումից մեկ օր առաջ:

Սերբիայի ՆԳՆ-ն ցուցարարներին խնդրել է ապահովել, որ հանրահավաքն անցնի խաղաղ և առանց միջադեպերի: Սակայն կան ձերբակալվածներ:

Սերբիայի նախագահ Ալեքսանդր Վուչիչը նախազգուշացրել է պետական ​​հեղաշրջման վտանգի մասին։ Նրա խոսքով, ընդդիմությունը փորձելու է գրավել մի շարք իշխանական կառույցներ, որպեսզի իշխանություններին ստիպեն ձեւավորել անցումային կառավարություն։

Վուչիչն ընդգծել է, որ մարտի 15-ի հանրահավաքն անօրինական էր և չգրանցված։ Իշխանությունները կձեռնարկեն բոլոր միջոցները անկարգությունները կանխելու համար, և ցանկացած ոք, ով կմտածի ցուցարարների վրա հարձակվելու մասին, անմիջապես կձերբակալվի, ասել է նա։