Ինչո՞ւ Նիկոլը բացեց նոր ռեպրեսիաների շրջան. «Իրավունք»

«Իրավունք» թերթը գրում է.

«Եթե այս կիրակի ընտրություններ լինեն, ՔՊ-ն կհավաքի 11.8% ձայն, «Հայաստան» դաշինքը` 4.7%, ԴՕԿ կուսակցությունը՝ 3.5%: Սա քաղաքացիների շրջանում «Գելափի» իրականացված հարցման վերջին տվյալներն են: Սակայն, «Իրավունք»-ի ունեցած տեղեկությունների համաձայն, իշխանությունն այս շրջանում նաև իր ներքին հարցումն է անցկացրել և ճշտել վարկանիշային իրական պատկերը, ինչը ևս հուսադող չի եղել իրենց համար:

Ըստ մեզ հասած տեղեկության` պարզվել է, որ ՔՊ-ն ունի ընդամենը 10 տոկոս վարկանիշ՝ ինչպես Գյումրիում, այնպես էլ ողջ հանրապետությունում: Իսկ այս 10 տոկոսը կազմում են նրանք, ովքեր պաշտոնապես կապված են օրվա իշխանության հետ և առանց Փաշինյան Նիկոլի՝ ոչ միայն չունեն քաղաքական ապագա, այլև կարող է պատասխանատվության ենթարկվեն՝ տարբեր դրվագներով:

Այս համատեքստում Նիկոլ Փաշինյանին, պարզապես, հասկացրել են, որ նույնիսկ տոտալ վարչական ռեսուրսի կիրառման դեպքում Գյումրիի ավագանու առաջիկա ընտրություններին լավագույնս կձգեն 14-15 տոկոսի և ոչ ավել:

Այլևս անթաքույց է, որ իշխանության վարկանիշը ակտիվ նվազման շրջափուլում է: Հենց սրանով էլ պայմանավորված՝ իշխանությունը սկսել է առանցքային ընդդիմադիր ուժերի նկատմամբ նոր ռեպրեսիաներ իրականացնել՝ հուսալով փոխել առկա վարկանիշային պատկերը»:

Առավել մանրամասն թերթի այսօրվա համարում