Թաղային հեղինակություններին են ներգրավել. «Հրապարակ»
«Հրապարակ» թերթը գրում է.
«Կրիմինալի հույսին մնացած իշխանությունը ոչ միայն ՏԻՄ ընտրությունների ժամանակ քվե կորզելու համար է դիմում գողականներին ու հեղինակություններին, այլ նաեւ իրենց համար կարեւոր թվացող ոչ մեծ հարցերում իրենց աջակցելու համար։ Նախօրեին Երեւանի քաղաքապետարանի «Մայր Հայաստան» խմբակցության ավագանու անդամ Մանուկ Սուքիասյանը տեղեկություն էր հրապարակել, ըստ որի՝ HIGER ավտոբուսների մի խումբ վարորդներ ազատման դիմումներ են գրել՝ կանխատեսվող աշխատավարձից մի քանի տասնյակ հազար դրամով պակաս աշխատավարձ ստանալու պատճառով։ Մինչդեռ «Երեւան ավտոբուս» ընկերությունից «Հրապարակ»-ին ասացին, որ ոչ մի վարորդ աշխատանքից չի ազատվել։
Երեւանի քաղաքապետարանի լավատեղյակ աղբյուրներից մեկը մեզ փոխանցում է, որ միջադեպից ու աղմուկից հետո վարորդներին հորդորել են մնալ եւ աշխատել: Եվ հորդորողներն էլ եղել են թաղային հեղինակությունները․ «Իրականում թաղային հեղինակությունների միջոցով ազդում են։ Վարորդներին` իրենց բակերում հայտնի մարդկանց միջոցով համոզում ու վախեցնում են, որ գնան աշխատեն»։
Այս իշխանության հետ սերտորեն կապված «ավտարիտետները» կարող են նաեւ ինքնուրույն որոշում կայացնել եւ ասել՝ գնացեք աշխատեք, բայց առավել հավանական է, որ նրանց է դիմել քաղաքապետարանի այս կամ այն չինովնիկը եւ խնդրել, որ աջակցեն իրենց այս հարցում։ Դա է պատճառը, որ աշխատավարձից եւ աշխատանքային պայմաններից դժգոհող վարորդներն այժմ լուռումունջ աշխատում են, թեպետ նրանց ներկայացրած պահանջ-կետերը չեն կատարվել։
Հիշեցնենք․ նախորդ տարեվերջին Երեւանի ավտոբուսների վարորդները գործադուլ էին արել՝ պահանջելով աշխատավարձի բարձրացում եւ պայմանների բարելավում։ Գործադուլի արդյունքում մարդկանց կուտակումներ էին կանգառներում, քաղաքային տրանսպորտի երթեւեկությունը կաթվածահար էր եղել, հենց այդ ժամանակ էլ Երեւանի քաղաքապետ Տիգրան Ավինյանը հայտարարեց՝ չեն զիջելու, եւ գործադուլ անող որոշ վարորդների ազատեցին աշխատանքից։ Օրեր անց նույն վարորդների մի մասը դիմեց եւ ետ ընդունվեց աշխատանքի։ Այդ ընթացքում վարորդները 10 կետից բաղկացած պահանջ էին ներկայացրել, որից ընդամենը մեկ-երկուսն են կատարվել»:
Մանրամասները` թերթի այսօրվա համարում
Փաստորեն երգը կիսատ էր. հայ, Հայաստան, հայրենիք, Վարդանիկ. Պետրոս Ղազարյան
Հակակոռուպցիոնը ուսումնասիրում է Վահե Ղազարյանի նվեր ստացած տները
ՀՔԱՎ գրասենյակը հաղորդում է ներկայացրել Վարդան Ղուկասյանի դեմ
Ներքին գործերի նախարարի թեկնածու են փնտրում. Արփինե Սարգսյանը հղի է, հեռանում է. «Ժողովուրդ»
Երկրաշարժ՝ օկուպացված Արցախի հանրապետության տարածքում. ցնցումները զգացվել են նաև Սյունիքում
Նիկոլ Փաշինյանը ՆԳ նախարարի թեկնածու ունի, Արփինե Սարգսյանն ուզում է ծննդաբերելուց հետո շարունակել կ...
«Աստծուց մոռացված դժբախտներ»․․․ Հանրային ռադիոյի տնօրենի կինը վիրավորել է արցախցիներին
Այս պահին Գյումրու քաղաքապետարանի աշխատակիցները Սարիկ Մինասյանի աշխատասենյակն են դատարկում․ անակնկալ...
Վահե Ղազարյանի` միլպետ ընկերը Փաշինյանին չի ներել. Փարաքարի ընտրություններին «տակից» աշխատել է ՔՊ-ի ...
«Բանակում ինչ-որ բան փոխելն արդեն ուշ ա, ժողովուրդ ջան, բանակում էլ չենք կարա բան անենք»․ Փաշինյան
