Ռուբեն Վարդանյանի ուղերձը պայքարի մեսիջ է. Մանե Թանդիլյան

«Ռուբեն Վարդանյանի ուղերձն իր մեջ պարունակում է պայքարի մեսիջ, հանկարծ հուսահատավության չտրվենք, շարունակենք պայքարել, չլինենք անտարբեր»,-լրագրողների հետ զրույցում ասաց «Ապրելու երկիր» կուսակցության համահիմնադիր Մանե Թանդիլյանը՝ անդրադառնալով Արցախի Հանրապետության նախկին պետնախարար Ռուբեն Վարդանյանի՝ Բաքվի բանտից ընտանիքի միջոցով փոխանցած աուդիոուղերձին։ 

«Այն ուժեղ մարդու ուղերձ էր պայքարել իրավունքների, արժանապատվության, հայ ժողովրդի համար։ Նա այսօր Բաքվի բանտում պայքարում է հայ ժողովրդի ապագայի, արժանապատվիվ կյանքի, իրավունքների համար, հետևաբար ուղերձ էր չընկճվելու, չհուսահատվելու մասին, պայքարելու բոլոր հնարավոր միջոցներով»,- ասաց Մ.Թանդիլյանը։ 

Նա նշեց, որ Ռուբեն Վարդանյանը պատրաստ է ամեն ինչի. «Նա երբ որ գնում էր Արցախ, նա ամեն ինչի պատրաստ էր, իր կյանքն այևս տվել է իր ժողովրդին, իր հայրենիքին։ Ահա թե ինչու էր նա գնացել Արցախ»։