Բաքվի նավթի գործարանում բռնկված հրդեհը հնաիավոր է կանխարգելիչ հարված հասցնելու որոշում է. Վերլուծաբան

Վերլուծաբան Հակոբ Բադալյանը գրել է 

Բաքվում նավթի վերամշակման գործարանում բռնկվել է խոշոր հրդեհ: Շատ մանրամասներ հայտնի չեն, բայց ըստ տեղեկությունների, ծավալը բավականին նշանակալի է:

Սա շատ հետաքրքիր տեղեկություն է, եթե հաշվի առնենք այն աշխարհաքաղաքական իրողություններն ու նրբությունները, որ ստեղծվել են վերջին օրերին, կապված ուկրաինական հարցում ԱՄՆ-Բրիտանիա դիմակայության հետ: Ես պարբերաբար արտահայտել եմ կարծիքս, թե այդ համատեքստում ինչ թիրախային նշանակություն կարող է ունենալ Բրիտանիայի համար Կովկասն ու ինչ «հարվածային գործիք» կարող է ծառայել Բաքուն:

Պետք չէ բացառել, որ կարող է կայացվել նաեւ Բաքվին կանխարգելիչ հարված հասցնելու որոշում, ըստ ամենայնի ««բացատրելու» համար, թե ինչ հետեւանքով կարող է հղի լինել ամերիկյան վարչակազմի քաղաքականությանը «ոտք դնելու» որեւէ փորձ: 

Բնականաբար, ես որեւէ կերպ չեմ պնդում, որ Բաքվի նավթավերամշակման գործարանում հրդեհը կարող է լինել հենց այդպիսի «կանխարգելիչ հարված», բայց իսկապես շատ հետաքրքիր է այս զգայուն իրավիճակում Ադրբեջանի համար խիստ զգայուն ոլորտի այդ բռնկումը: Ընդ որում, Իլհամ Ալիեւի՝ Անկարա  այցի «ճանապարհին»: