Մխիթարյան միաբանությունից կոչ միջազգային հանրությանը՝ արձագանքեք հայ գերիների նկատմամբ բռնությանը
Մխիթարյան միաբանության միաբան և Մխիթարյան ճեմարանի ռեկտոր Համազասպ Քեշիշյանը դատապարտել է Ադրբեջանում հայ քրիստոնյա քաղբանտարկյալների նկատմամբ բռնություններն ու կոչ է անում միջազգային հանրությանը ուշադրություն դարձնել նրանց ծանր վիճակին:
«Մենք մտահոգությամբ հետևում ենք շինծու դատավարություններին, որոնք անցկացվում են մեր ցեղասպան հարևանի մայրաքաղաքում»,- ասել է Քեշիշյանը՝ The Armenian Report-ին տված բացառիկ հայտարարության մեջ։ «Ոչ ոք չի կարող լրջորեն վերաբերվել այդ երկրում անցկացվող որևէ գործընթացի։ Այն, ինչ տեղի է ունենում ադրբեջանական դատարանում, դատավարության ծաղր է»,-նկատել է հոգևորականը:
Նա խորին մտահոգություն է հայտնել Ադրբեջանում պահվող հայ քաղբանտարկյալների, մասնավորապես՝ բարերար և մարդասեր Ռուբեն Վարդանյանի առողջության համար։ Նշել է, որ Վարդանյանի վերջին հացադուլը վատ վերաբերմունքի դեմ հակազդեցություն է։ «Հատկապես Ռուբեն Վարդանյանն ակնհայտորեն վատառողջ տեսք ունի, և նրա համարձակ քայլը՝ հացադուլը, խոսում է այն մասին, թե ինչ դաժան վերաբերմունքի և խոշտանգումների են նրանք ենթարկվում»,-նկատել է նա:
Քեշիշյանը հիշել է Վարդանյանի հետ հանդիպումը Վենետիկում «Ավրորա» մրցանակաբաշխության արարողության ժամանակ, որը տեղի է ունեցել Սբ. Ղազար կղզում՝ Մխիթարյան միաբանության հոգևոր կենտրոնում։ Նա բարձր է գնահատել Վարդանյանի նվիրումը հայ ժողովրդին՝ շեշտելով, որ գործարարը հրապարակայնորեն ցավ է հայտնել թե՛ հայ, թե՛ ադրբեջանցի զինվորների համար, որոնք զոհվել են հակամարտության ժամանակ։
«Դա խոսում է նրա խորքային մարդասիրության մասին, որը գերազանցում է մեր հարեւանների ատելությունն ու փոքրոգությունը», - ասել է Քեշիշյանը:
Նա հորդորել է հայերին մի կողմ թողնել տարաձայնությունները և միասնաբար դիմագրավել արտաքին սպառնալիքներին: Շեշտել է, որ ազգային միասնությունը վճռորոշ է, հատկապես, երբ հարցը հայրենիքին է վերաբերում։
«Մենք՝ հայերս, պետք է միասնական լինենք և մի կողմ դնենք բոլոր տարաձայնությունները՝ սատար կանգնելու Ադրբեջանում կալանավորված մեր հայրենակիցներին», - ասել է նա: «Այսպես պետք է լինի ցանկացած հարցի դեպքում, որն առնչվում է մեր հայրենիքին ու մեր ազգին։ Մենք մեկ անկոտրում ազգ ենք։ Չնայած մեզ պատուհասած բոլոր փորձություններին՝ մենք մշտապես հաստատակամ ենք եղել մեր քրիստոնեական հավատքի մեջ, և հավերժ հավատարիմ ենք մնալու այն բանին, թե ով ենք մենք և ինչին ենք հավատում՝ որպես հայեր»:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
