Վահե Ղալումյանը հանդիպել է Հայաստանում ԻԻՀ արտակարգ և լիազոր դեսպանին
Հայ-իրանական բարիդրացիական կապերն առանձնանում են մեր ժողովուրդներին բնորոշ յուրահատուկ ջերմությամբ, փոխադարձ վստահությամբ եւ հարգանքով: Այս մասին ասել է ՀՀ ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանը Հայաստանում Իրանի Իսլամական Հանրապետության արտակարգ եւ լիազոր դեսպան Մեհդի Սոբհանիի հետ հանդիպման ընթացքում: Հանդիպումը տեղի է ունեցել փետրվարի 25-ին, որին մասնակցել է նաև հանձնաժողովի անդամ Դավիթ Դանիելյանը:
Վահե Ղալումյանը նշել է, որ երկու երկրները տարբեր քաղաքակրթական, կրոնական և մշակութային երկխոսության լավագույն օրինակ են:
Դեսպանը նշել է, որ Հայաստանի և Իրանի հարաբերություններն ունեն պատմականորեն վաղեմի անցյալ և առկա է մեծ ներուժ համագործակցությունը զարգացնելու համար: Նա ընդգծել է քաղաքական կամքի առկայության հանգամանքը, ինչը հնարավորություններ է ստեղծում տարբեր ոլորտներում հարաբերությունների զարգացման համար:
Մեհդի Սոբհանին տեղեկացրել է, որ երկու երկրների միջև համագործակցության նկատելի զարգացում է արձանագրվել տնտեսական ոլորտում: Մասնավորապես, նշվել է, որ 2024 թվականին երկու երկրների միջեւ առեւտրի ծավալը կազմել է 755 մլն դոլար: Ներկայում իրանական ընկերությունները Հայաստանում 460 մլն դոլար արժողությամբ նախագծեր են իրականացնում: Դեսպանն անդրադարձել է Ագարակ-Քաջարան 32 կմ ճանապարհահատվածի շինարարական աշխատանքներին, որոնք նույնպես իրականացվում են իրանական ընկերության կողմից:
«Եթե ցանկանում ենք զարգացնել առևտուրը, ապա պետք է համապատասխան ենթակառուցվածքներ ապահովենք»,- նշել է դեսպանը` խոսելով հեռանկարային ծրագրերի և փոխհամագործակցության մասին:
Վահե Ղալումյանը, կարևորելով Իրանի հետ համագործակցության խորացումը, նշել է, որ Հայաստանի համար Իրանը եղել և մինչ օրս մնում է առանձնահատուկ գործընկեր, որն իր հավասարակշռված քաղաքականությամբ նպաստում է տարածաշրջանում խաղաղության հաստատմանն ու կայունության ամրապնդմանը: «Մենք բարձր ենք գնահատում Իրանի ղեկավարության քանիցս արտահայտած դիրքորոշումը` Հայաստանի տարածքային ամբողջականության և սահմանների անքակտելիության վերաբերյալ»,- ասել է հանձնաժողովի նախագահը: Նա խոսել է «Խաղաղության խաչմերուկ» նախագծի մասին` կարևորելով Իրանի օժանդակությունն այդ հարցում:
Վահե Ղալումյանն ընդգծել է խորհրդարանական համագործակցության դերակատարությունը` ի նպաստ երկու երկրների փոխհամագործակցության:
Կողմերը պատրաստակամություն են հայտնել աջակցել ցանկացած նախաձեռնության իրականացման համար` ի նպաստ երկու բարեկամ պետությունների բարգավաճման ու տարածաշրջանի անվտանգության և կայունության ապահովման:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
