Բաքուն մտադիր է աստիճանաբար առաջ մղել «միջանցք՝ խաղաղության դիմաց» այսպես կոչված տրամաբանություն․ վերլուծաբան
Վերլուծաբան Հակոբ Բադալյանը գրու է․
«Այս պահի դրությամբ խաղաղության համաձայնագրի 17 կետերից 15-ն է համաձայնեցված, չհամաձայնեցված երկու կետերից մեկը վերաբերում է Զանգեզուրի միջանցքի բացմանը, երկրորդ կետը տարածքային պահանջներն են, որոնք ամրագրված են Հայաստանի Սահմանադրությամբ», հայտարարել է Ադրբեջանի խորհրդարանի փոխնախագահ Զիյաֆեթ Ասկերովը։
Սա այսպես ասած մի փոքր տարօրինակ հայտարարություն է: Տարօրինակ է այն պատճառով, որ դեռեւս 2024 թվականի օգոստոսին Ադրբեջանի նախագահի Օգնական Էլչին Ամիրբեկովը հայտարարեց, թե՝ որպեսզի ճանապարհների վերաբերյալ անհամաձայնությունը չխոչընդոտի խաղաղության պայմանագրի տեքստի առաջմղմանը, երկու կողմերը որոշել են ճանապարհների օրակարգը անջատել խաղաղության պայմանագրի տեքստից: Այդ պայմանավորվածությունը հաստատեց նաեւ Հայաստանի ԱԳՆ-ն:
Եթե 2024 թվականի օգոստոսին պայմանավորվել են, որ ճանապարհների ապաշրջափակման հարցը անջատվում է խաղաղության պայմանագրի տեքստից, ինչպե՞ս կարող է այսպես կոչված «Զանգեզուրի միջանցքի» հարցը լինել 17 կետերից երկու չհամաձայնեցվածներից մեկը:
Եթե այդ թեման, այդ օրակարգը խաղաղության պայմանագրի տեքստի մաս չէ, ինչպե՞ս կարող է լինել տեքստի չհամաձայնեցված երկու կետերից մեկը:
Կնշանակի, որ, կամ Մեջլիսի փոխնախագահն է ինչ որ բան խառնում, կամ Ադրբեջանը խախտում է 2024 թվականի օգոստոսին բարձրաձայնված պայմանավորվածությունն ու «միջանցք» կոչվածի հարցը բերում է խաղաղության պայմանագրի տեքստ:
Կարող է լինել մի երրորդ տարբերակ էլ: Մասնավորապես, օգոստոսին արված հայտարարությունը եղել է այսպես ասած տեղեկատվական տակտիկա, ինչ-ինչ նկատառումներով բարձրաձայնված մի հանգամանք, որը գործնական հարթությունում կապ չի ունեցել իրականության հետ:
Բոլոր դեպքերում, սպասենք արձագանքների, հասկանալու համար, թե ինչով է պայմանավորված հայտարարությունը Բաքվից, հատկապես Սահմանադրության հանրաքվեի վերաբերյալ Փաշինյանի հայտարարությունից երկու օր անց:
Եթե Ադրբեջանի փոխնախագահի հայտարարությունը պարզապես այսպես ասած վրիպում չէ, ապա դա կարող է նշանակել, որ Բաքուն մտադիր է աստիճանաբար առաջ մղել «միջանցք՝ խաղաղության դիմաց» այսպես կոչված տրամաբանություն:
Ինչպես 2016 թվականի ապրիլյան քառօրյայից հետո փորձեցին առաջ բերել «տարածքներ խաղաղության դիմաց» տրամաբանությունը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
