Հայաստան մուտք կգործեն վենչուրային նոր ֆոնդեր և նոր մասշտաբային ծրագրեր. Հակոբ Արշակյան
Առաջիկայում սպասվում է վենչուրային նոր ֆոնդերի մուտքը Հայաստան և երկրում նոր լուծումներով մասշտաբային ծրագրերի իրականացում, «Արմենպրես»-ի հաղորդմամբ՝ «Սիներջի» բիզնես կենտրոնում փետրվարի 19-ին կայացած Առաջատար տեխնոլոգիաների ձեռնարկությունների միության (ԱՏՁՄ) 24-րդ համաժողովի շրջանակներում այս մասին լրագրողների հետ զրույցում նշել է Ազգային ժողովի նախագահի տեղակալ Հակոբ Արշակյանը:
«Կան ստարտափերի սեգմենտին վերաբերող դրամաշնորհային ծրագրեր, որոնք շարունակվում են, և ամբողջապես կառավարության տիրույթում են: Իհարկե, կան որոշակի օրենսդրական մեխանիզմներ, որոնց լավարկման վրա աշխատում ենք, բայց պետք է ասել, որ ներդրումային միջավայրի տեսանկյունից ստարտափ համայնքում բավականին լավ և հրապուրիչ ներդրումային միջավայր կա: Առաջիկայում կտեսնեք նոր վենչուրային ֆոնդերի և նոր մասշտաբային լուծումային ծրագրերի մուտքը Հայաստան»,- լրագրողների հետ զրույցում նշեց Հակոբ Արշակյանը:
Նա տեղեկացրեց նաև, որ փետրվարի 26-ին նախատեսված ԱՏՁՄ խորհրդի նիստում քննարկվելու է ինստիտուցիոնալ նոր մեխանիզմերի ներդրումը, որը վերաբերում է պետություն-մասնավոր ոլորտ համագործակցության շրջանակներում կրթության, գիտության և արդյունաբերության միջև կապի ապահովման պետական ծրագրերի մշակմանը:
ԱԺ փոխնախագահն արձանագրեց նաև, որ ԱՏՁՄ ոլորտի հայկական ընկերությունները հիմնականում գործում են միջազգային շուկայում, սակայն խիստ ցանկալի է տեսնել նրանց աշխատանքը նաև Հայաստանի թվայնացման օրակարգերի շուրջ:
«Հուսով եմ, որ այդ առումով նույնպես զգալի ակտիվացում կունենանք: Չնայած կան Հայաստանում աշխատող ընկերություններ, բայց պետք է ասել, որ ոլորտում հիմնականում զբաղված են միջազգային շուկաներ արտահանման բիզնեսով: Հայաստանի դիրքը տարեցտարի ամրապնդվում է: Միանշանակ կա Հայաստանն ավելի ճանաչելի դարձնելու հնարավորություն»,- նշեց Հակոբ Արշակյանը:
Նրա դիտարկմամբ՝ շարունակում է արդիական մնալ ինժեներական ուղղվածության բուհերում դպրոցների ավելի շատ շրջանավարտների ներգրավման հարցը: Հակոբ Արշակյանը ծնողներին կոչ արեց ուշադրություն դարձնել այդ հանգամանքին՝ նշելով, որ տեխնոլոգիական և բնագիտական մասնագիտությունները կարող են շատ լուրջ ապագա ապահովել նրանց զավակներին, որոնք լավ սովորելու դեպքում ապահովված կլինեն բարձր վարձատրությամբ երաշխավորված աշխատանքով:
ԱՏՁՄ հիմնադրման 25-ամյակին ընդառաջ հրավիրված համաժողովը միավորել է նորարարության ոլորտի շուրջ 300 մասնակցի՝ Հայաստանից և արտերկրից: Համաժողովի շրջանակներում տեղի են ունենալու ԱՏՁՄ խորհրդի և նախագահի ընտրություններ:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
