Թուրքիայում սկսվել է Էրդողանի և Զելենսկու հանդիպումը

Թուրքիայում սկսվել է Ուկրաինայի նախագահ Վլադիմիր Զելենսկու և Թուրքիայի նախագահ Ռեջեփ Թայիփ Էրդողանի հանդիպումը։ Բանակցություններից հետո կստորագրվեն մի շարք համաձայնագրեր։

Այս մասին հայտնում են թուրքական լրատվամիջոցները։

Էրդողանը և Զելենսկին հանդիպել են նախագահական համալիրում: Նրանք ավելի ուշ կգլխավորեն պատվիրակությունների հանդիպումը, որը կհավաքվի աշխատանքային ընթրիքի:

Այսօրվա երկխոսությունների ընթացքում կքննարկվեն Թուրքիայի և Ուկրաինայի միջև ռազմավարական գործընկերության հարցեր, երկու երկրների միջև համագործակցության ամրապնդման հետագա քայլերը, Ուկրաինայում տեղի ունեցած վերջին իրադարձությունները և այլն։

Բանակցություններից հետո կստորագրվեն պայմանագրեր տարբեր ոլորտներում։

Ավելի ուշ սպասվում է մամուլի ասուլիս երկու ղեկավարների մասնակցությամբ։