Ալեն Սիմոնյանը մեծ կազմով գործուղվում է Իտալիա

ԱԺ նախագահ Ալեն Սիմոնյանը կարգադրություն է ստորագրել․

Ղեկավարվելով «Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքի 5-րդ հոդվածի 5-րդ մասով եւ Հայաստանի Հանրապետության աշխատանքային օրենսգրքի 209-րդ հոդվածով`
կարգադրում եմ.

1. Միջերկրածովյան խորհրդարանական վեհաժողովի ամենամյա նստաշրջանին մասնակցելու համար 2025 թվականի փետրվարի 19-23-ը Հռոմ (Իտալիայի Հանրապետություն) գործուղել Ազգային ժողովի նախագահի գլխավորած պատվիրակությունը՝ հետեւյալ կազմով.
 

Ալեն ՍԻՄՈՆՅԱՆ

Ազգային ժողովի նախագահ

Ծովինար ՎԱՐԴԱՆՅԱՆ

Ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահ

Բաբկեն ԹՈՒՆՅԱՆ

Ազգային ժողովի պատգամավոր

Վահագն ԱԼԵՔՍԱՆՅԱՆ

Ազգային ժողովի պատգամավոր

Աշխեն ՀԱՅՐԱՊԵՏՅԱՆ

Ազգային ժողովի նախագահի խորհրդական

Տիգրան ՍԵՅՐԱՆՅԱՆ

Ազգային ժողովի աշխատակազմի արտաքին կապերի վարչության պետ

Ալեքսանդր ՄԽԻԹԱՐՅԱՆ

Ազգային ժողովի աշխատակազմի արարողակարգի վարչության պետ

Մովսես ՀԱՐՈՒԹՅՈՒՆՅԱՆ

Ազգային ժողովի նախագահի մամուլի քարտուղար

Էդուարդ ԿԱՐԱՊԵՏՅԱՆ

Ազգային ժողովի աշխատակազմի արարողակարգի վարչության այցերի եւ ընդունելությունների կազմակերպման բաժնի գլխավոր մասնագետ (փետրվարի 16-23-ը)

Դավիթ ՀԱԿՈԲՅԱՆ

Ազգային ժողովի աշխատակազմի հասարակայնության հետ կապերի եւ հաղորդակցության վարչության լրատվության արտադրության  բաժնի    լուսանկարիչ  - օպերատոր

Հրայր ՔԱԼԱՇՅԱՆ

Ազգային ժողովի աշխատակազմի հասարակայնության հետ կապերի եւ հաղորդակցության վարչության լրատվության արտադրության բաժնի հեռուստաօպերատոր:

2. Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ` գործուղման հետ կապված ճանապարհածախսի, ներկայացուցչական ծախսերի, օրապահիկի եւ գիշերավարձի` ըստ փաստացի  կատարած ծախսերը հավաստող փաստաթղթերի վճարումը կատարել Հայաստանի Հանրապետության 2025 թվականի պետական բյուջեով Ազգային ժողովին այդ նպատակի համար հատկացված միջոցների հաշվին՝ հաշվի առնելով Ազգային ժողովի նախագահի 2024 թվականի դեկտեմբերի 23-ի «Ազգային ժողովի պատգամավորների եւ Ազգային ժողովի աշխատակազմի աշխատողների՝ օտարերկրյա պետություններ գործուղումների կազմակերպման եւ գործուղման ծախսերի հատուցման կարգը հաստատելու մասին եւ Ազգային ժողովի նախագահի 2018 թվականի մայիսի 1-ի Կ-127-Ա կարգադրությունն ուժը կորցրած ճանաչելու մասին» Կ-364-Ա կարգադրության պահանջները: