Պուտինը չի նահանջում. բալանսի որոնման շրջան է. Լևոն Շիրինյան

Բալանսի որոնման շրջան է: Այն, որ Պուտինը հրամայել է զորքերը դուրս բերել Սիրիայից դեռ չի նշանակում, որ ՌԴ-ն ամբողջությամբ հեռանաում է Սիրիայից: Newspress.am-ի հետ զրույցում ասաց քաղաքական գիտությունների դոկտոր, պրոֆեսոր Լևոն Շիրինյանը` հավելելով, որ Քիսինջերի Մոսկվա այցից հետո արդեն իսկ պարզ էր, որ կոմպրոմատներ են լինելու, փորձելու են կոնսենսուսային վիճակ ստեղծել: Ըստ նրա` կատրվածը դեռ չի նշանակում, որ Պուտինը զիջում է, սա Անգլիայի, Ֆրանսիայի, Իտալիայի խնդրանքն է եղել և պատահական չէ նաև այն, որ ՌԴ-ի և ԱՄՆ-ի նախագահներ Վլադիմիր Պուտինն ու Բարաք Օբաման հեռախոսով քննարկել են իրավիճակը Սիրիայում, մասնավորապես Մոսկվայի որոշումը՝ հանրապետությունից դուրս բերելու ռազմատիեզերական ուժերի ավիախմբի հիմնական մասը։ Ըստ նրա` սա Թուրքիան փրկելու քայլ է:

Շիրինյանը նաև շեշտեց, որ ակնհայտ է` Սիրայի շահերից ելնող որոշում է, քանի որ հակառակ պարագայում Իրանը կարձագանքեր, բացի այդ Ասադի հետ քննարկվել է հարցը: Ինչ վերաբերում է հարցին, թե ռուս-թուրքական հարաբերությունները նոր փուլ կմտնեն, թե ոչ, ապա, ըստ քաղաքագետի վատթարացումը կպահպանվի, ռուս-թուրքական հակամարտությամբ չեզոքացվեց այդ երկրների սերտացման խնդիրը: Բայց նաև ակնհայտ է այն, որ պատմության ընթացքում թեև ՌԴ-ն Թուրքիային խփել է, բայց նաև առողջացրել է:

Քաղաքագետի դիտարկմամբ` Հայաստանը այս փուլում ևս մեկ անգամ ցույց տվեց, որ ռազմավարական դաշնակցի կողքին է: Ըստ նրա` այս փուլում Հայաստանը պետք է ոչ միայն էլ ավելի խորացնի հարաբերությունները ՌԴ-ի, այլ նաև Սիրիայի հետ, պիտի վերադառնա Սիրիա, հայկական երբեմնի խոշոր համայնքը պետք է վերականգնվի: