Իսրայելական կործանիչները հարվածել են «Հեզբոլլահ»-ի թունելներին

Իսրայելի ռազմաօդային ուժերը հարվածներ են հասցրել Սիրիա-Լիբանանյան սահմանին գտնվող թունելին, որն օգտագործվում էր «Հեզբոլլահ»-ի զինյալների կողմից զենք տեղափոխելու համար։

Հարվածներ են հասցվել նաև մի քանի զինապահեստների և  հրթիռային կայանների լիբանանյան տարածքում:

Այս մասին հայտնել է Իսրայելի պաշտպանության բանակը։

«Բացի այդ, Իսրայելի ռազմաօդային ուժերը հարվածներ են հասցրել Լիբանանում գտնվող «Հեզբոլլահի» մի քանի օբյեկտներին, որտեղ կային զինամթերք և հրթիռային կայաններ, որոնք վտանգ էին ներկայացնում Իսրայելի համար», - հավելել է մամուլի ծառայությունը:

Լիբանանյան լրատվամիջոցները հաղորդում են, որ իսրայելական կործանիչները նախքան հարվածը հասցնելը ցածր բարձրության վրա թռչել են Բեյրութի և Լիբանանի մայրաքաղաքի հարավային արվարձանների վրայով։