Քանի՞ կալանավորված անձ 2025թ-ի հունվար ամսին չի ներկայացվել դատական նիստի. փաստաբանը՝ ՆԳՆ-ին
Փաստաբան Նարեկ Ալոյանը գրավոր հարցում է ուղղել ՆԳ նախարարություն՝ հարցնելով, թե քանի՞ կալանավորված անձ 2025թ-ի հունվար ամսին չի ներկայացվել դատական նիստի։
«Կալանավորված անձանց դատական նիստերի չներկայացնելու խնդիրը շարունակում է մնալ իմ ուշադրության կենտրոնում։
Այսօր հարցում եմ ուղարկել ՆԳՆ` խնդրի ծավալն արձանագրելու նպատակով։
Եթե ՆԳՆ-ն իր ուժերով չի կարողանում լուծել խնդիրը` ապա պետք է դիտարկել նաև է կալանավորված անձանց ուղեկցելու գործառույթը առնվազն մասնակի ՀՀ արդարադատության նախարարությանը փոխանցելու հարցը»,- գրել է նա։
Ավելի վաղ փաստաբանը բարձրաձայնել էր 113 անձի գործազրկության խնդիրը լուծելու և այդպիսով կալանավորված անձանց իրավունքների խախտումները կանխելու մասին.
«Նկատի ունենալով, որ բազմաթիվ կալանավորներ դատարան չեն ներկայացվում բացառապես այն պառճառով, որ ՆԳՆ համապատասխան ծառայության 232 հաստիքներից 113-ը թափուր են` ինչի հետևանքով խախտվում է բազմաթիվ կալանավորների արդար դատաքննության իրավունքը, գրավոր դիմում եմ ներկայացրել ՀՀ վարչապետին` խնդրելով հնարավորինս սեղմ ժամկետում լուծել խնդիրը։
Նշված 113 հաստիքների համալրումը մեր 113 գործազուրկ հայրենակցի կարող է ապահովել աշխատանքով և կանխել դատական նիստերի անհարկի ձգձգումներն ու կալանավորված անձանց իրավունքների շարունակական խախտումները»։
Նշենք, որ խնդրի վերաբերյալ մտահոգություն է հայտնել նաև Մարդու իրավունքների պաշտպանը։
Թեև ՆԳՆ-ից Մարդու իրավունքների պաշտպանի գրությանն ի պատասխան` նշել են, որ 2024 թվականի 2-րդ կիսամյակում ձեռք է բերվել 22 նոր տրանսպորտային միջոց, միևնույն է հարցը շարունակում է մնալ չլուծված։
Օրինակ, Պաշտպանի աշխատակազմ ստացված բողոքներից մեկով անձը 1 տարվա ընթացքում իրեն վերաբերելի 7 դատական նիստից 4-ին չի կարողացել մասնակցել, մեկ այլ բողոքի համաձայն՝ անձը շուրջ 2 տարի վերը նշված խնդիրների պատճառով չի կարողացել ընդհանրապես մասնակցել դատական նիստին։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
