Պահանջում ենք անհապաղ ազատ արձակել անհիմն ձերբակալված 70-ամյա արցախցի գիտնականին. «Որդիների կանչ»
«Որդիների կանչ» ՀԿ-ն անընդունելի է համարում ՀՀ Ազգային անվտանգային ծառայության որդեգրած գործելաոճը, որով հանդուրժողականություն է դրսևորվում օտարերկրյա քաղաքացիների կողմից Հանրապետության Հրապարակում ազգային արժանապատվությունը նսեմացնող երևույթներին, մասնավորապես ադրբեջաներեն «Ղարաբաղ, Ղարաբաղ , Ղարաբաղը մեր հայրենիքն է» երգողների հանդեպ։
Ավելորդ ենք համարում բացատրել, թե դա ինչ աստիճանի արհամարհանքի և ծաղրանքի դրսևորում է հայ հասարակության հանդեպ, որը տասնամյակներ շարունակ պայքարել, մարտնչել, հազարավոր զոհեր և հերոսներ է տվել այդ Սուրբ հայկական հողը՝ Արցախը ազատագրելու, պաշտպանելու գործում։
Այդ անարգանքը մեր նահատակված հերոսների և ողջ հայ ժողովրդի հանդեպ տեղի է ունեցել մեր մայրաքաղաքի սրտում, դժբախտաբար մեր ոստիկանության և պատկան մարմինների թողտվությամբ։
Փոխարենը՝ մեր ՀՀ Ազգային անվտանգության ծառայություն կոչվող կառույցը և ՀՀ Քննչական կոմիտեն հանցակազմ են տեսնում այն ֆեյսբուքյան գրառման մեջ, որում արտացոլված է մեր այսօրվա ցավերով առատ, արյունահոսող իրականությունը, որով փորձ է արվում արթնացնել հայի արժանապատվությունը, որում օգտատերը հարց է ուղղում հասարակությանը, թե ինչպես կվարվեին այն հայերի հետ Բաքվում, եթե նրանք փորձեին որևէ հայերեն երգ երգեին։
Կձերբակալվեի՞ն, թե՞ կպարգևատրվեին և կարժանանային ազգային հերոսի և գեներալի կոչման, ինչպես դա արեցին Սաֆարովի կողմից քնած վիճակում սպա Գուրգեն Մարգարյանին քնած կացնահարելու դեպքում, դժվար չէ հարցին միանշանակ պատասխանել։
Մենք՝ Արցախյան 44-օրյա պատերազմում նահատակված զինվորների ծնողներս, պահանջում ենք անհապաղ ազատ արձակել անհիմն ձերբակալված 70-ամյա արցախցի գիտնականին և հորդորում ենք ուժային կառույցներին իրենց ուշադրությունը և գործողությունները ուղղեն ՀՀ տարածքային ամբողջականությունը վերականգնելուն:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
