Աննորմալ իշխանության պարագայում ընդդիմության խոսույթն էլ է ինչ-որ մի ժամանակ հետո դառնում աննորմալ․ Արտակ Զաքարյան

Ես զարմանում եմ, թե ընդիմությանը ոնց մինչև այսօր չի հաջողվել լուծել մեր երկրի առջև դրված գլխավոր խնդիրը՝ իշխանափոխության հարցը։ Այս մասին, այսօր՝ հունվարի 28-ին, «Եռաբլուրում» լրագրողների հետ զրույցում նշեց ՀՀԿ խորհրդի անդամ, պաշտպանության նախկին փոխնախարար Արտակ Զաքարյանը:

«Գիտեմ, իհարկե, պատճառներն արտաքին ուժերի այսպես շատ համառ աջակցությունն այս իշխանություններին, որովհետև այս հենց այսպիսի իշխանություններ Հայաստանը 300-400 տարին մեկ կարող է ունենալ այն իշխանությունը, որը ամեն ինչ անում է ընդդեմ սեփական շահերի, ընդդեմ սեփական ժողովրդի, ընդդեմ սեփական անվտանգության, այդպիսի իշխանություն չեք գտնի աշխարհում»,- նշել է նա:

Անդրադառնալով Փաշինյանի հայտարարությանը, որ հիմա ՀՀ բանակի կերպափոխման փուլում է, Արտակ Զաքարյանն ասաց. «Ինձ համար հասկանալի է՝ ինչ է նշանակում զինված ուժերի զարգացում, արդիականացում: Իսկ կերպափոխումը տրանսֆորմացիան է, տրանսֆորմացվում են քաղաքական համակարգերը, տեխնոլոգիական մեխանիզմները, տրանսֆորմացիա մեր բանակը չի կարող ունենալ, որովհետև բանակները չեն տրանսֆորմացվում։ Բանակը կարող է զարգանալ, արդիականանա, իր հմտությունները, կարողությունները մեծացնի՝ օդում, ծովում, ցամաքում, բայց տրանսֆորմացիա հասկացությունը շատ կասկածելի է: Իրենց տրանսֆորմացիան հետևյալն է լինելու, որ բանակը դառնալու է աշխատավարձ ստանալու տեղ, հենց պատերազմ է, բանակը փախչում է: Այդպես չի կարող լինել»:

«Մենք շատ ավելի լավ ընդդիմություն կլինեինք, եթե նորմալ իշխանություն ունենայինք, բայց աննորմալ իշխանության պարագայում ընդդիմության խոսույթն էլ է ինչ-որ մի ժամանակ հետո դառնում աննորմալ»,-ասել է Զաքարյանը: