Կգան թուրքի բ․․ի տղաներ, կհամոզեն, որ մենք ոչ մի հնարավորություն չունենք Ադրբեջանի դեմ կռվելու, բայց չհավատաս թուրքի լամուկներին․ Վազգեն Սարգսյանն արդեն պատասխանել է Սասուն Միքայելյանին
Հայոց բանակի օրվա առիթով Եռաբլուրում գտնվող ԵԿՄ նախագահ Սասուն Միքայելյանը տառացիորեն խուսափում էր լրագրողներից․ ինչպես ասում են՝ երեսատեղի չուներ։
Նախ, անկեղծ լինելու համար, պետք է նկատել, որ ընդհանրապես զարմացրեց, որ նա այցելել է Եռաբլուր, քանի որ վերջին շրջանում՝ հայրենի հողերի հանձնման ֆոնին, նա անհետանում է, կամ, մեղմ ասած, ընդհատակ է անցնում։ Հայտնվում է առիթից առիթ՝ տարվա մեջ 2-3 անգամ, այն էլ ակնթարթային ու անհեթեթ, երկրապահին ոչ հարիր հայտարարություններով։
Մյուս կողմից էլ, օրակարգում նրա ֆիզիկական ներկայության լինել-չլինելը մեծ հաշվով ոչինչ չի փոխում, քանի որ այն հարցերի պատասխաններն ու այն գործողությունները, որոնք կարելի է սպասել երկրապահ կամավորների միության նախագահից երկրի օրհասական պահին՝ երկու դեպքում էլ բացակայում է։
Դեռ 44-օրյա պատերազմի ժամանակ, նա, իր համար շատ «հարմար» պահի, շատ անհավանական հատվածում կասկածելի «վիրավորում» ստացավ և ընդհատակ անցավ այնքան ժամանակ, մինչև պատերազմն անցանկալի ավարտ ունեցավ։
Հետո մի օր հայտնվեց ու զղջաց պարտության համար ու նորից գնաց։
Մեկ ուրիշ անգամ հայտնվեց ու ասաց, թե՝ «կողմ եմ սահմանազատմանը, որովհետև մենք որևէ հնարավորություն չունենք Ադրբեջանի դեմ կռվել»։
Եթե այս արտահայտությունն աներ շարքային մի քաղաքացի, գուցե ինչ-որ տեղ մարսվեր ու անցներ, սակայն, երբ Երկրապահ կամավորների միության նախագահը պաշտոնապես հայտարարում է, թե՝ հնարավորություն չունենք կռվելու թշնամու դեմ, սա արդեն անմիջական հարված է մեր բանակին ու հայ զինվորին՝ իր պատճառահետևանքային կապերով։
Տավուշի մարզից տարածքներ հանձնելու ընթացքում ու դրանից հետո, Սասուն Միքայելյանը դարձյալ անհետացավ։ Այժմ էլ հայտնվեց, ու էլի հերթական անհեթեթ հայտարարությունը։ Նա ասաց, որ եթե խոսի՝ կխանգարի բանակցություններին։
Իհարկե, գործող իշխանության ու Ադրբեջանի «համագործակցության» պարագայում, որտեղ Հայաստանի ղեկավարությունը միշտ կատարողի ու հանձնողի դերում է, դժվար է պատկերացնել, թե ինչ բանակցությունների մասին է խոսքը, կամ ինչին պետք է խանգարի Միքայելյանը՝ նոր կապիտուլյացիայի՞ն․․․ եթե այո՛, ապա տվյալ պահին ճիշտ կլիներ խոսել, բայց լրագրողի դիտարկմանը, թե՝ նախկինում միշտ խրոխտ, կոշտ ու «դուխով» հայտարարություններ են լսել ԵԿՄ նախագահից, Սասուն Միքայելյանի պատասխանը հուսադրող չեղավ։
Նա ասաց․
«Այսօր «դուխով» խոսքը՝ խելոք մնալն է․․․ ի՞նչ անեմ, կանգնեմ ասեմ՝ գնանք Մուշ, Սասուն, Արդահա՞ն»․․․
Ու Սասուն Միքայելյանը խելոք և սուսփուս մնում է՝ չխանգարելով ու չընդդիմանալով երկրի հանձնման գործընթացին։ Այս տրամաբանության մեջ արդեն զավեշտալի է նրա հայտարարությունը, թե՝ Սպարապետ Վազգեն Սարգսյանի գործն է շարունակում։
Այսինքն, նա, ով անմիջապես մասնակցում է երկիրը քանդելու գործընթացին, նսեմացնում է բանակի ուժն ու արժեզրկում զինվորին, ուզում է համոզել, թե իբր ինքը շարունակում է բանակաշինության հիմնադիր Սպարապետի գործը․․․
Զերծ մնալով բոլոր տիպի մեկանաբանություններից, թերևս այստեղ բավական է միայն մեջբերել Վազգեն Սարգսյանի խոսքը, ով մի առիթով ասել է․
Արմինե Մկրտումյան
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
