Կարմիրբերետավորներից իր համար քառաշերտ պատ սարքողը, «ախրանիկների» ավտոշարասյունով հեծանիվ քշողն ասում է, թե իր համար խնդիր չէ ավտոբուսով գործի գնալը․ զավե՞շտ, թե՞ ծաղր

Այն, որ Փաշինյան Նիկոլը վաղուց արդեն կտրվել է ինքն իրենից ու իրականությունից, ոչ ոք չի կասկածում։ Եթե սկզբում նրան հաջողվում էր պոպուլիստական թեմաներով մանիպուլացներ հասարակությանը, ապա այսօր նրա լսարանը բավականին նոսրացրել է։ Ու քանի որ վարչապետ աշխատող Փաշինյանի հետևորդների թիվը նվազել է հազարներով, ուստի նրան օգնության է հասել բլոգեր Նիկոլն ու փորձում է, եթե ոչ բոլորին, ապա գոնե մի մասին հետ բերել՝ գործի դնելով նախկինում ունեցած լրագրողական փորձը։

 

Նկարում է ամեն ինչ, ամեն տեղ՝ խառնելով իրար անձնականն ու գործնականը, նույնիսկ բաղնիք-զուգարանը։ Սա իհարկե, երկրի վարչապետին հարիր չէ և շատ հաճախ արդեն ծիծաղի առիթ է դառնում նաև հարևան թշնամիների համար, բայց Նիկոլին օգնում է հասարակությանը շեղել երկրի կարևորագույն օրակարգից ու ավելացնել նրան հետևողների թիվը։ Ու թքած, թե այդ հետևորդների մեծ մասը հայհոյում են ու ծիծաղում, կարևորը՝ օրակարգ է ապահովում. տեսարանը կա: 

 

Այսպես ծնվեց նաև Նիկոլ-Աննա փոդքասթը։ Այս հրապարակմամբ, անդրադառնանք նրա վերջին թողարկմանը։ 

 

Այդ փոդքասթում մարդ ու կին խոսում են տրանսպորտից, ըստ էության ցույց տալով, որ կողմ են ուղեվարձի թանկացմանը։ Իհարկե, այստեղ երկրորդ կարծիք չի կարող լինել, որ ընդդիմադիր Նիկոլը ոչ միայն համակարծիք չէր լինի վարչապետ աշխատող Փաշինյանի հետ, այլև կգտներ 1001 փաստարկ՝ ապացուցելու, որ թանկացումը թալան է, բայց այստեղ միայն դա չէ խնդիրը։

 

Թողարկման հենց առաջին րոպեներին երկուսով, առանց ամոթի զգացումի, ասում են, թե իրենց համար խնդիր չէ հասրակական տրանպորտով երթևեկելը։

 

Յա, իրո՞ք․․․

 

Ամեն օր հրապարակից Պարոնյան փողոց տուն գնալուց 1 կիլոմետր շառավղով երթևեկությունը փակող մարդն ասում է, թե իր համար խնդիր չէ հասարակական տրասնպորտով տուն գնալը։ Զավեշտ ու ողբերգություն:

 

Օրերս, 1 ժամ շարունակ, փակել էին  Լուսավորիչ, Ագաթանգեղոս, Վ. Սարգսյան, Բեյրութ, Արգիշտի փողոցներն ու գեթ մեկ սանտիմետր շարժվելու հնարավորություն չէին տալիս, որպեսզի, Փաշինյան Նիկոլի ավտոշարասյունն անցնի։

 

Մեկ այլ անգամ էլ` Աշտարակի ճանապարհին ոստիկանների մեքենաները, արագ սլանալով, «պատեպատ էին տալիս» մյուս մեքենաներին ու վթարային իրավիճակներ ստեղծելով, հրահանգում՝ աջ քաշել կանգնել, թե ինչ է՝ Նիկոլն է անցնում։

 

Ո՞ւմ է խաբում Փաշինյան Նիկոլը՝ իրե՞ն, թե՞ իրեն ընտրած «ժողջանին»-ին։ Իսկ գուցե զուտ կեղծ ու անհեթեթ օրակարգ է նետում դաշտ ու բերանի ծամոն սարքում իր դեմ խոսող մարդկանց համար։

 

Մյուս կողմից էլ Աննան ասում է՝ հասարակ ժողովրդի հետ ավտոբուսով գործի գնալն իրենց համար աշխատանք է․․․ իսկապե՞ս, այդքան թա՞նկ է նրանց ժամանակը, որ չեն ուզում հասարակ ժողովրդի վրա ծախսել։ 

 

Ասում է՝ հասարակական տրանսպորտով երթևեկելու ծախսը շատ է․ այ դրա հետ համաձայն ենք՝ իհարկե՛, շատ է։ Դրա համար հարկավոր է մի քանի տասնյակ թիկնապահ՝ իրենց մեքենաներով ու առանց դրա, որպեսզի դատարկ ավտոբուսն ու մետրոն նախապատրաստեն Նիկոլի երթևեկության համար։ Թե՞ կարող են համոզել իրենց «ժողջանին», որ առանց թիկնապահների են շրջում։

 

Առանց թիկնապահի սրանք զուգարան չեն կարող գնալ անգամ, ուր մնաց թե ավտոբուս ու մետրո նստեն։ Անվտանգության քանի աշխատակից է մաքրել մետրոն, երբ Նիկոլը փորձում էր շրջել մետրոյով, թե՞ կհամոզեն, որ մետրոն այդչափ դատարկ էր։ 

 

Իր հետույքը փրկելու համար կարմիրբերետավորներից եռաշերտ ու քառաշերտ պատ սարքողը, «ախրանիկների» ավտոշարասյունով հեծանիվ քշողը, ԱԺ նիստից առաջ պատգամավորների մոտից շշեր հավաքել տվողը, կառավարության շենքում գտնվելու և այնտեղից դուրս գալուց առաջ տանիքում դիպուկահարներ պահողն ուզում է համոզել, թե իր համար խնդիր չէ տրանսպորտից օգտվելը։

 

Զավեշտ ու  ծաղր՝ հպարտությունը կորցրած ժողովրդի նկատմամբ։