Թվային հեռարձակումը կրկին հետաձգվում է

Հայաստանում անալոգային հեռարձակման անջատումը կրկին հետաձգվում է անորոշ ժամանակով:

Հեռուստատեսային թվային հեռարձակման համակարգին ամբողջ Հանրապետությունը պետք է անցներ դեռեւս այս տարվա հունվարի 1-ից: Սակայն պատասխանատուները չհասցրին սահմանված ժամկետներում սոցիալապես անապահով ընտանիքներին անվճար թվային սարքեր բաժանել: Նշենք, որ ի սկզբանե որոշվել էր 48 հազար 700 սարք տրամադրել քաղաքացիներին:
Փետրվարի վերջին Տրանսպորտի եւ կապի նախարարությունն արդեն հայտարարեց, որ մի քանի մարզերում՝ Արարատ, Գեղարքունիք, Լոռի, Կոտայք, Շիրակ, Վայոց Ձոր, Տավուշ, բաժանել են նախատեսված սարքերն ու մարտի 6-ին հաստատապես անցում կկատարվի թվային հեռարձակման: Սահմանված ժամկետից 3 օր առաջ, սակայն, Կառավարությունում «հիշեցին», որ Հայաստանում ընտանիքների անապահովության գնահատման համակարգում հաշվառված եւ նպաստ ստացող ընտանիքների թիվն իրականում կազմում է շուրջ 106 հազար 500:

«Ներկայումս անհրաժեշտություն է առաջացել լրացուցիչ ձեռք բերել 55 հազար հատ DVB-T2 ստանդարտի թվային հեռուստատեսային ընդունիչ սարքեր՝ մնացած ապահով ընտանիքների տրամադրելու համար»,- ասված է Կառավարության մարտի 3-ին կայացրած որոշման մեջ:
Կառավարության որոշման համաձայն՝ մեկ սարքի համար լավագույն գնային առաջարկը նախկինում եղել է 7 հազար 500, հետեւաբար, 55 հազար սարք գնելու համար կպահանջվի 412,5 մլն դրամ, որն էլ հատկացվելու է Տրանպորտի եւ կապի նախարարությանը՝ սարքերը ձեռք բերելու համար:

«Կառավարության կայացրած որոշումից հետո մենք կասեցրել ենք գործընթացը, մինչեւ որ կստանանք սարքերն ու կբաժանենք քաղաքացիներին: