Վերամշակողները խաբեբայություն են ցանել, խաբեբայություն էլ հնձելու են

Նախօրեին կառավարությունում վարչապետ Հովիկ Աբրահամյանի գլխավորությամբ տեղի է ունեցել խորհրդակցություն, որին մասնակցել են ՀՀ տարածքային կառավարման և զարգացման, գյուղատնտեսության, աշխատանքի և սոցիալական հարցերի նախարարները, հանրապետության մարզպետները և տարբեր գերատեսչությունների ներկայացուցիչներ:

Անդրադարձ է կատարվել ոռոգման սեզոնի բացման նախապատրաստական աշխատանքների ընթացքին: Զեկուցվել է, որ իրականացվում են համապատասխան քայլեր, որպեսզի բոլոր պոմպակայաններն առանց որևէ խնդրի պատրաստ լինեն սեզոնի մեկնարկին: Վարչապետ Աբրահամյանն ընդգծել է, որ այս հարցում որևէ խնդիր չպետք է լինի և գյուղացին ոռոգման ջուրը պետք է ստանա ժամանակին:

Նշենք, որ օրերս «Սինջար» եզդիների ազգային միավորման նախագահ Բորիս Մուրազին դիմել էր ՀՀ վարչապետ Հովիկ Աբրահամյանին, որպեսզի ջուր մատակարարող ընկերությունները գարնանը ոռոգման ջրի դիմաց գումարներ չպահանջեն, քանի որ նախորդ տարվա խաղողի գումարները դեռևս չեն ստացել:

Հիշեցնենք, որ ՋՕԸ-երը ամեն տարի կառավարությունից սուբսիդիաներ են ստանում էլէներգիայի օգտագործման և այլ պարտքեր վճարելու համար, իսկ այն, որ գարնանը առաջին ջուրը տրվում է անվճար, հողօգատգործողներից շատերը չգիտեն, քանի որ կառավարությունից ասում են անվճար, սակայն ՋՕԸ-երը գումար են պահանջում:

Գարնան գյուղատնտեսական աշխատանքները սկսվել են, այս տարի սովորականից վաղ, հիմա հողօգտագործողների գարնանային խնդիրներին գումարվել է նախորդ աշնանային խնդիրները, քանի որ մթերումների դիմաց չեն վճարել, որ սկսեն հողաշխատանքները:

ՀՀ գյուղատնտեսության նախարար Սերգո Կարապետյանը արդեն քանի տարի է, ինչ խոսում է մատչելի պարարտանյութի և դիզվառելքի ծրագրից, սակայն այս բարիքները հողօգատգործողին անվճար չեն տրվում, սակայն ինչպես վճարել դրանց դիմաց, երբ մթերումների գումարները չեն ստացել:

2015թ-ին խաղող վերամշակողները խաղողը մթերեցին հիմնականում առանց վճարելու, կամ այնքան ցածր, որ գյուղացիները անգամ ովքեր գումարները ստացել են, անկարող են սկսել գարնանային աշխատանքները հավուր պատշաճի:

Այնպես, որ աշնան խաբելու դիմաց, այս տարի վերամշակողները ստանալու են նույն խաբեբայությունը, եթե չես վճարում, ապա բերք էլ չես ստանում:

Նշենք, որ շատերն են հիասթափված և գյուղնախարարության չեզոք պահվածքից, կամ իրականությանը չհամապատասխանող հայտարարություններից, և այս տարի թե քանի տնտեսություն կզբաղվի հողմշակությամբ, կունենանք այն պատկերը, ինչ աշնանը ցանեց գյուղնախը գործարար-վերամշակողների հետ միասին:

Եվ այս պայմաններում` խաբելու դիմաց, հնարավո՞ր է գյուղատնետսություն զարգացնել: Եթե հնարավոր է, ապա այս տարի կհավաքեն այն բերքը, ինչ անցած աշնանը ցանել են: