Երևանի մետրոպոլիտենին պատճառվել է 17 մլն դրամի վնաս. մանրամասներ

SHAMSHYAN.com-ի տեղեկություններով՝ հունվարի 14-ին ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Արաբկիրի բաժնում ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժնից տեղեկություններ են ստացվել, որ քննիչի կողմից քրեական վարույթի նախաքննության շրջանակներում պարզվել է, որ «Մագդա Դավթյան» ԱՁ-ի կողմից կատարված 35-ից ավելի մատակարարումների ժամանակ կասկածելի գործողություններ են կատարվել։ Այդ ժամանակ «Կարեն Դեմիրճյանի անվան Երևանի մետրոպոլիտեն» ՓԲԸ տնօրենի ժամանակավոր պաշտոնակատար է հանդիսացել Գևորգ Ավետիսյանը, ում լիազորություների վրա է դրված եղել նաև պարտականություններ՝ տնօրինել ընկերության գույքը, ինչպես նաև ֆինանսական միջոցները:

Աղբյուրի հաղորդմամբ՝ Արաբկիրի քննչական բաժնի քննիչները համադրելով ՀՀ վիճակագրական կոմիտեից և ՀՀ առողջապահության նախարարությունից ստացված տվյալները, հայտնաբերել են, որ 2020 թվականի մարտից միչև 2021 թվականի մարտ ամիսն ընկած ժամանակահատվածում «Մագդա Դավթյան» ԱՁ-ի կողմից կատարված  մատակարարումներով ապրանքների արժեքները շուկայական արժեքից էական տարբերվող արժեքներ են եղել, դրանք մատակարարվել են ավելի բարձր արժեքներով, որի արդյունքում «Կարեն Դեմիրճյանի անվան Երևանի մետրոպոլիտեն» ՓԲ ընկերությանը պատճառվել է խոշոր չափերի մոտ17 մլն ՀՀ դրամի վնաս:

Դեպքի փաստով համայնքային ոստիկանության Արաբկիրի բաժնում փաստաթղթեր են կազմվում՝ հետագա ընթացքը լուծելու համար։