Պետբյուջեում փող չկա, Տավուշի մարզպետը սուբվենցիոն ծրագրերի հետաձգման այլ պատճառ է նշել․ Սարգսյան

Տավուշի մարզպետ Հայկ Ղալումյանին լրագրող Ոսկան Սարգսյանը հարց է ուղղել․ «Տավուշի մարզպետարանի տվյալներով՝ 2024 թվականին Տավուշի մարզի համար վերջնական հաստատվել է սուբվենցիոն 20 ծրագիր, որից 4-ն է իրականացվել, 8-ը՝ մասամբ, 8-ն էլ իրականացման տարբեր փուլում է։ Խնդրում եմ հայտնել, թե որո՞նք են մասամբ իրականացված և իրականացման տարբեր փուլերում գտնվող, ընդհանուր առմամբ 16 ծրագրերը, որո՞նք են դրանք իրականացնող կազմակերպությունները, ծրագրերից յուրաքանչյուրը ի՞նչ պատճառով է սահմանված ժամկետից հետաձգվել»։

Մարզպետարանից պատասխալ են․ «2024 թվականին հաստատված սուբվենցիոն ծրագրերի մի մասը կազմված է նաև ենթածրագրերից, մասնավորապես Բերդ համայնքի Բերդ քաղաքի թիվ 2 և թիվ 3, Տավուշ, Վ. Ծաղկավան, Չինչին, Վ. Կ. Աղբյուր, Այգեձոր, Արծվաբերդ, Մովսես, Նավուր, Չինարի, Չորաթան, Պառավաքար և Այգեպար բնակավայրերի մանկապարտեզների շենքերի և բակային տարածքների վերանորոգման ծրագիրը, որը կազմված է 15 ենթածրագրերից, որից 10-ի շինարարական աշխատանքներն արդեն ավարտվել են, իսկ 5-ի աշխատանքները կավարտվեն 2025 թվականին: Նմանատիպ ծրագրեր առկա են նաև մարզի մյուս համայնքներում, հետևաբար դրանք դիտարկվում են կամ մասամբ ավարտված կամ որպես ընթացիկ ծրագրեր»: